گۆڤارێكی ئەمریكی لیستی مەترسیدارترین وڵاتانی جیهان بۆ گەشتكردن بڵاودەكاتەوە

ئاڤا نیوز

گۆڤاری 'CEOWORLD'ـی ئەمریكی كە گرنكی بە پۆلێنە جیهانییەكان دەدات، لە نوێترین توێژینەوەیدا، ژمارەیەك وڵاتی دەستنیشانكردووە كە بۆ ساڵی 2025 مەترسیدارترینن بۆ گەشتكردن، بەهۆی هەبوونی گرووپی چەكدار و باندی مافیایی تاوانكاری.

مەترسیە پێشبینیکراوەکان: بەگوێرەی پۆلێنی گۆڤارەكە، سۆماڵ بەهەبوونی زیاتر لە 50 گرووپی چەكداری توندڕەو، مەترسیدارترین وڵاتە لەسەر ئاستی جیهان و ئامۆژگاری گەشتیاران دەكات سەردانی ئەو وڵاتە نەكەن، هەریەك لە باشووری سوودان و ئۆكرایناش بەهۆی بەردەوامی جەنگ و كاولكاری، لە ڕیزبەندی دووەم و سێیەمی پۆلێنەكەن.

ئەوەی پێویستە بیزانیت: عێراق هێشتا لە لیستی 10 مەترسیدارترین وڵاتانی جیهاندایە بۆ گەشتكردن و لە ڕیزبەندی نۆیەمە، دوای هەریەك لە وڵاتانی: لیبیا، سوودان، پاكستان، ئەفغانستان و میانمار. تەنانەت لەڕووی مەترسیەوە لە پێش وڵاتانی یەمەن و سووریا و كۆریای باكوور پۆلێن كراوە.