زۆر بەکارهێنانی هێدفۆن دەبێتە هۆی لە دەستدانی هەستی بیستن

 

ئاڤا نیوز

 

ئێستا لە جیهان 1.5 ملیار هاوڵاتی هەستی بیستنیان لە دەستداوە ،ڕێکخراوی تەندروستی جیهانی هۆشداری دەدات  تا ساڵی 2050 ئەم ڕێژەیە بگاتە 2.5 ملیار کەس.

 

چیرۆکی سەرەکی: بەهۆی بەرەو پێشچوونی تەکنەلۆژیاوە، بەکارهێنانی هێدفۆن بووەتە دیاردەیەکی باو لە جیهاندا کە لە ماوەی 10 ساڵی رابردوودا ڕێژەی بەکارهێنەرانی 75% زیادی کردووە، بۆیە لە ڕووی تەندرووستییەوە دەبێت سەرنج بخرێتە سەر دوو خاڵ لەکاتی بەکار هێناندا:

یەکەم: زۆر مانەوەی لە گوێدا دەبێتە هۆی دروستبوونی شێ لە گوێیەکاندا کە ئەمەش ڕۆڵێکی گەورەی هەیە لە هەوکردنی گوێیەکان، هەروەها دەبێتە هۆی پاڵنانی ئەو پیسییانەی کە لە گوێیەکاندا کۆبونەتەوە.

دووەم: کۆنترۆڵکردنی بەرزی و نزمی دەنگی هێدفۆنەکە و ماوەی بەکارهێنانی، کە کاریگەریەکی زۆری هەیە لەسەر گوێیەکان بەشێوەیەك نابێت دەنگەکەی بگاتە سەروو 60% و کاتی بەکارهێنانی لە 60 خولەك زیاتر نەبێت.

ئەوەی پێویستە بیزانیت: ڕێکخراوی تەندروستی جیهانی هۆشداری دەدات لەسەر زیادبوونی ڕێژەی کەڕ بوون، بە پێی ئەو توێژینەوانەی کراوە لەڕووی تەندروستییەوە بەکار‌هێنانی هێدفۆنی سەر گوێ باشترە لەوانەی کە دەچنە ناو گوێوە و زیانی کەمترە.