وەزارەتی دارایی هەرێمی كوردستان لیستی مووچە ئامادە دەکات

ئاڤا نیوز

وەزارەتی دارایی و ئابووريی  هەرێمی کوردستان، داوا دەکات لە ماوەی 24 كاتژمێردا لیستی مووچە لەلایەن وەزارەتەكانەوە ئامادە بكرێت بۆ ناردنی بۆ وەزارەتی دارایی عێراق.

نووسراوی فەرمی: بەپێی نووسراوێکی وەزارەتی دارایی هەرێم کە بڵاوکراوەتەوە، دەبێ سەرجەم وەزارەت و فەرمانگەكان لەماوەی 24 كاتژمێردا لیستی مووچەی مانگی شووبات ئامادە بكەن بە زمانی عەرەبی و لەسەر (سی دی) بیدەنە وەزارەتی دارایی هەرێم.

بۆچی گرنگە: وەزارەتی دارایی بۆ ئامادەکردنی لیستی مووچەی مووچەخۆرانی هەرێم، بۆ دابینکردنی مووچە لە بەغدا ئەم لیستە ئامادە دەکات، دواتر ڕەوانەی وەزارەتی دارایی عێراق دەکات.

باکگراوند: دوای بریارەکەی دادگەی فیدڕاڵی لەبارەی مووچەی مووچەخۆرانی هەرێمی کوردستان، بەغدا داوای لیستی مووچەی لە هەرێم کرد بۆ ئەوەی مووچەی مانگی دووی فەرمانبەران ڕەوانە بکات و بۆ مانگی سێ داوایکردووە هەژماری بانکی بۆ مووچەخۆرانی دروست بکرێت.

زانیاریی زیاتر: هەر کەمتەرخەمییەک لە نەناردنی لیستی مووچە، ئەو وەزارەت و بەرێوەبەرایەتییە لە دواکەوتنی مووچە بەرپرسیارە.