پوتین: پیرۆزبایی دەستبەکاربوون لە ترەمپ دەکەم

ئاڤا نیوز

ڤلادیمێر پوتین سەرۆکی ڕووسیا ڕایگەیاند، ئامادەیە لەسەر دۆخی ئۆکراینا گفتوگۆ لەگەڵ دۆناڵد ترمپ بکات و هیوای خواست گفتوگۆکان ئاشتی هەمیشەیی لە ناوچەکەدا بهێنێتە ئاراوە.

وێنە گەورەکە: دۆناڵد ترەمپ بۆ جاری دووەم دەبێتەوە بە سەرۆکی ئەمریکا و چەندجارێک ئاماژەی بەوەکردووە پەیوەندییەکانی ئەمریکا لەگەڵ ڕووسیا و چین ئاسایی دەکاتەوە، وڵاتانی ئەوروپاش نیگەرانن لە لێدوانەکانی ئەم دواییەی ترەمپ و بە مەترسی بۆ سەر خاکەکانیان دەزانن.

لێدوانی فەرمی: ڤلادیمێر پوتین ڕایگەیاند:

- پیرۆزبایی لە دۆناڵد ترەمپ دەکەم بە بۆنەی دووبارە دەستبەکاربوونەوەی وەک سەرۆکی ئەمریکا.

- ئامادەین بۆ گفتوگۆکردن لەگەڵ ئیدارەی نوێی ئەمریکا سەبارەت بە ململانێکانی ئۆکراینا و ڕووسیا.

- هەر ڕێککەوتنێک بۆ چارەسەرکردنی ململانێکان، پێویستە ئاشتی هەمیشەیی لەسەر بنەمای ڕێزگرتن لە بەرژەوەندییە ڕەواکانی هەمووان بهێنێتە ئاراوە.

لەلایەکی دیکەوە: دۆناڵد ترەمپ سەرۆکی ئەمریکا ڕایگەیاندبوو:

- "لەگەڵ دەستبەکاربوونم لە پۆستەکەمدا کاردەکەم بۆ نەهێشتنی جەنگی نێوان ڕووسیا و ئۆکراینا".

- "دۆخی ڕۆژهەڵاتی ناوەڕاست بەرەو ئارامی دەبەم و ڕێگە نادەم جەنگی جیهانی سێیەم هەڵبگیرسێت".