سەرۆک بارزانی جەخت لە یەکڕیزی و هەماهەنگی لایەنە کوردییەکانی سووریا دەکاتەوە

ئاڤا نیوز 

 

سەرۆک بارزانی پێشوازی لە دەستەی سەرۆکایەتیی ئەنجوومەنی نیشتیمانیی کورد لە سووریا کرد، لە کۆبوونەوەکەدا جەختی لە یەکڕیزی، هەماهەنگی و کاری هاوبەشی لایەنە کوردییەکانی سووریا کردووەتەوە.

 

وێنە گەورەکە: دوای کەوتنی دەسەڵاتی بەشار ئەسەد، سەرۆک بارزانی دەسپێشخەریی بۆ نزیکبوونەوەی لایەنە کوردییەکانی ڕۆژئاوای کوردستان دەستپێکرد، جارێک لەگەڵ مەزڵووم عەبدی، فەرماندەی گشتیی هێزەکانی سووریای دیموکرات کۆبوویەوە و بۆ دووەم جاریش شاندێکی ئەنەکەسە سەردانی دەکات.

 

ڕاگەیێنراوی فەرمی: بارەگای بارزانی ڕایگەیاند: لە دیدارەکەدا بارودۆخی سیاسی، ئەمنیی سووریا و دەرئەنجامەکانی گفتوگۆ، لێکنزیکبوونەوەی لایەنە کوردییەکانی سووریا و سەردانی فەرماندەی گشتیی هێزەکانی سووریای دیموکرات بۆ لای سەرۆک بارزانی تاوتوێ کراوە.

 

باکگراوند: ڕۆژی چوارشەممە 8-1-2021، سەرۆک بارزانی پێشوازی لە شاندێکی سەرکردایەتیی ئەنەکەسە کرد، لە دیدارەکەدا بیروڕا لەبارەی دوایین پێشهات و گۆڕانکارییەکانی سووریا، هاوکات هەڵوێستی لایەنە کوردییەکان لە گۆڕانکارییەکانی ئەم دواییە ئاڵوگۆڕ کرا.