مەسرور بارزانی بۆ شاندێكی بەحرەین: پەیوەندییەکانمان پتەوتر دەکەین

ئاڤا نیوز

 

لەچوارچێوەی سەردانەکەی سەرۆکوەزیران مەسرور بارزانی بۆ داڤۆس، لەگەڵ شاندێکی شانشینی بەحرەین کۆبووەوە و باسیان لە پتەوکردنی پەیوەندییەکانیان کرد. 

 

وێنە گەورەکە: سەرۆکوەزیران مەسرور بارزانی لە  کۆڕبەندیی ئابووریی جیهان لە داڤۆس بەشدارە و ڕۆژانە لە ماڵی کوردستان چەندین دیدار و کۆبوونەوەی گرنگ لەگەڵ سەرۆک و بەرپرسی وڵاتان دەکات. 

 

زانیاریی زیاتر: کۆبوونەوەکەی سەرۆکوەزیران لەگەڵ شازادە عیسا بن سەلمان ئال خەلیفە، شێخ سەلمان بن خەلیفە ئال خەلیفە، وەزیری دارایی و ئابووری نیشتمانی و عەبدوڵڵا عادل فەخرۆ، وەزیری پیشەسازی و بازرگانی و شێخ سەلمان ئەحمەد ئال خەلیفە سەرۆکی دیوانی جێنشینی بەحرەین بوو.

 

ئەوەی پێویستە بیزانیت: لە کۆبوونەوەکەدا تاوتوێی پتەوکردنی پەیوەندییەکانی نێوان هەرێمی کوردستان و شانشینی بەحرەین کراوەتەوە و سەرۆکی حکومەتی هەرێمی کوردستان خواستی خۆی بۆ بەهێزترکردنی زیاتری پەیوەندیی دوولایەنە دووپات کردووەتەوە.