لەبارەی پێدانی زەوی بە سەربازانی کورد لە ڕیزەکانی سوپای عێراق بڕیاردرا
- عێراق
- 22 کانوونی دووەم

ئاڤا نیوز
وەزیری بەرگریی عێراق ڕایگەیاند، ئەو سەربازە کوردانەی کە خەڵکی هەرێمی کوردستانن و لە ڕیزەکانی سوپادان، لە پارێزگاکانی دیکەی عێراق زەوییان پێدەدرێت و لەو مافەیان بێبەش ناکرێن.
چیرۆکی سەرەکی: کۆتایی ساڵی ڕابردوو ئەنجوومەنی وەزیرانی عێراق بڕیاریدا زەوی بداتە کارمەندانی وەزارەتی بەرگری، لەوانەش سەرباز، ئەفسەر، پلەدار و فەرمانبەران، بڕیاریشیدا وەزارەتی بەرگری خۆی سەرپەرشتی دابەشكردنی پرۆسەکە لە بەغدا و پارێزگاکان بکات.
لێدوانی فەرمی: سابت عەباسی، وەزیری بەرگریی عێراق دوێنێ لەمیانەی پرۆسەی دابەشکردنی زەوی لەناوچەی بەسمایەی بەغدا ڕایگەیاند:
- لەبارەی پارێزگاکانی هەرێمی کوردستان ئێمە ناتوانین لە شوێنی خۆیان زەوییان بۆ تەرخان بکەین، لە پارێزگاکانی هەرێم یاسا و ڕێنمایی هەیە، بۆیە (سەربازە کوردەکان) لە پارێزگاکانی دیکە زەوییان پێدەدرێت لەوانەش بەغدا، ئێستا تاوتوێی بڕیارەکە دەکەین کە زیانمەندبووانی برا و ڕۆڵەکانی کوردمان بگرێتەوە لەو پارێزگایانەی کە ئێمە زەوی زیادەمان هەیە تا لەوێ پێیان بدرێت لەناویشیاندا لە بەغدا، ئامانجی ئێمە و حکومەتەکەشمان ئەوەیە هەموو ئەو عێراقییانەی شایستەن شوێنی شیاوی خۆیان پێبدرێت.
بەشێکی دیکە لە قسەکانی وەزیری بەرگریی عێراق:
- لە بەغدا 130 هەزار پارچە زەویمان هەیە و لەکاتی دابەشكردنی زەویدا خێزانی شەهیدان و بریندارەکان لەپێشینەن، دواتریش پرۆسەکە لە بەسڕە و نەینەوا و نەجەف و پارێزگاکانی دیکە دەستپێدەکات.
- هەر ئەندامێکی وەزارەتی بەرگری لەدایکبووی بەغدا بێت یان 10 ساڵ بێت لێرە بژی، لە بەغدا زەوی پێدەدرێت.
- بەڵێنیتان پێدەدەم لە ساڵی 2025دا هەموو ئەوانەی بەگوێرەی یاسا، مافی وەرگرتنی زەوییان هەیە لەهەر پارێزگایەک بن، زەوییان پێدەدرێت.
- بەر لەوەی زەوییەکان دابەش بکەین، دەمانەوێت پڕۆژە خزمەتگوزارییەکان بۆ زەوییەکان دابین بکەین، بۆیەش گرێبەستمان لەگەڵ کۆمپانیایەک کردووە و لە ئەمڕۆوە دەست بەدروستکردنی ڕێگاوبان و قوتابخانە و پڕۆژەکانی دیکە دەکات.
ڕاگەیێنراوی فەرمی: بەگوێرەی نوسراوێکی وەزارەتی بەرگریی عێراق دابەشکردنی زەوی بەسەر ئەندامانی وەزارەتەکە بەم شێوەیە دەبێت:
- ئەوانەی پلەکانیان لیوا، فەریق، فەریقی یەکەم و فەرمانبەرانی پلەکانی سووپەر A و سوپەر B ـیە، 400 مەتر زەوییان پێدەدرێت.
- ئەوانەی پلەکانیان لە نێوان ملازم تا عەمیدە لەگەڵ ئەو فەرمانبەرانەی پلەکانیان 1 و 2 و 3ـیە، 300 مەتر زەوییان پێدەدرێت.
- سەربازەکان و ئەو فەرمانبەرانەی پلەکانیان لە چوار بۆ خوارەوەیە، 200 مەتر زەوییان پێدەدرێت.
زیاتر لەسەر ئەم بابەتانە بکۆڵەرەوە
دوایین هەواڵەکان
- جیهان
- 3 کاتژمێر لەمەوپێش
ئەمریکا: لەگەڵ ڕووسیا ڕێککەوتین
- بزنس
- 4 کاتژمێر لەمەوپێش
کێشەی خەرجیی فەرمانگەکانی حکومەت و بەڵێندەران چارەسەر دەکرێت
- تەندروستی
- 5 کاتژمێر لەمەوپێش
عێراق بڕی پێویستیی ساڵانەی دەرمان بۆ هەرێمی كوردستان نانێرێت
هەڵبژاردەکان بۆ تۆ
وڵاتێکی ئەفریقی سەرۆك و جێگر و زۆربەی وەزیرانی ئافرەتن
24 ئازار
بەڕێوەبەری کشتوکاڵی هەولێر: لە نزیکترین کاتدا نرخی تەماتە دادەبەزێت
24 ئازار
کەشوهەوای ڕۆژانی جەژنی ڕەمەزان چۆن دەبێت؟
23 ئازار
کیلۆیەک هەڵوژە لە عەلوەی هەولێر بە 130 هەزار دینارە
23 ئازار
تەنیا لە مانگی دووی ئەمساڵ نزیکەی 6 هەزار و 400 حاڵەتی جیابوونەوە تۆمارکراون
23 ئازار
- عێراق
- 11 کاتژمێر لەمەوپێش
بەرەی مقاوەمە لە عێراق هەڕەشە لە ئیسرائیل دەکات
- عێراق
- 12 کاتژمێر لەمەوپێش
حکومەت و کۆمیسیۆن تاوتوێی ئامادەکارییەکان بۆ هەڵبژاردن دەکەن
- عێراق
- 12 کاتژمێر لەمەوپێش
بڕیاری دوورخستنەوەی سەرۆکی ئەنجوومەنی پارێزگای دیالە ڕادەگیرێت
- عێراق
- 16 کاتژمێر لەمەوپێش
شاندێکی باڵای ئەمریکا سەردانی عێراق دەکات
- عێراق
- 17 کاتژمێر لەمەوپێش
تەندروستی عێراق: هەر فەرمانبەرێک مانبگرێت بە دوو ساڵ زیندانی سزا دەدرێت
- عێراق
- 19 کاتژمێر لەمەوپێش
ئێران لەبارەی ناوەڕۆکی نامەکەی ترەمپ، عێراق ئاگادار دەکاتەوە