وازهێنان لە شەکر کارکردنی مێشک باشتر دەکات

ئاڤا نیوز

پزیشکێک لە زانکۆیەکی مۆکسۆ  ڕایگەیاند جەستە پێویستی بە کاربۆهیدراتی خێرا نییە و وازهێنان لە شەکر هۆکارە بۆ باشتر کاکردنی مێشک.

چیرۆکی سەرەکی: شەکر یەکێکە لەو پێکهاتانەی زیانی زۆری  هەیە، بەشێوەیەک خواردنی ڕێژەییەکی زۆر وەک ماددەی هۆشبەر کاریگەری نەرێنی بۆ سەر جەستە هەیە.

لێدوانی فەرمی: دکتۆر ئەندریە کۆندراخین، لە زانکۆی پزیشکی سێچێنۆڤ لە مۆسکۆ ڕایگەیاند: ئەگەر واز لە شەکر بهێنیت، دوای سێ هەفتە مێشک باشتر دەست بە کارکردن دەکات وەک ئەوە وایە بە تەواوی تازە بووبێتەوە.

زانیاری زیاتر: وازهێنان لە شەکر دەبێتە هۆی  کەمکردنەوەی کالۆری، کە دەتوانێت یارمەتی دابەزاندنی کێش و باشترکردنی تەندروستی ددان و مێشک بدات.

لەلایەکی دیکەوە: لە قۆناغی سەرەتایی وازهێنان لە شەکر هەندێک نیشانەی دەروونی و جەستەیی دەردەکەون،  لەوانە خەمۆکی، دڵەڕاوکێ و سەرئێشە، ماندوێتی و گێژبوون.