سەرۆکوەزیران مەسرور بارزانی و شازادەی جێنشینی ئوردن بارودۆخی سووریا تاوتوێ دەکەن

ئاڤا نیوز

 

لەمیانەی کۆبوونەوە بەردەوامەکانی لە داڤۆس لە سویسرا، سەرکوەزیران مەسرور بارزانی لەگەڵ حوسێن بن عەبدوڵڵا، شازادەی جێنشینی ئوردن کۆبووەوە و چەند پرسێکیان تاوتوێ کرد.

 

ڕاگەیێنراوی فەرمی: بەگوێرەی ڕاگەیێنراوی حکومەتی هەرێمی کوردستان، شازادەی جێنشینی ئوردن، ئاماژەی بە پەیوەندیی دۆستانە و لەمێژینەی نێوان هەرێمی کوردستان و شانشینی ئوردنی کرد، ئامادەیی تەواوی وڵاتەکەی بۆ پەرەپێدانی پەیوەندیی دوولایەنە لە هەموو بوارەکاندا دەربڕی.

 

لەلایەکی دیکەوە: سەرۆکوەزیران مەسرور بارزانی سوپاسی پشتیوانیی بەردەوامیی ئوردن و شا عەبدوڵلای کرد کە لە قۆناخە جیاکاندا پشتگیریی هەرێمی کوردستانیان کردووە.

 

ئەوەی پێویستە بیزانیت: لە بەشێکی دیکەی کۆبوونەوەکەدا، گۆڕانکاری و پەرەسەندنەکانی بارودۆخی سووریا تاوتوێ کرا، جەخت لە پاراستنی ئاشتی، سەقامگیری و مافی گشت پێکهاتەکانی ئەو وڵاتە کرایەوە.