بەڕێوەبەرایەتیی ئاو و ئاوەڕۆی هەولێر دەکرێنە دوو بەڕێوەبەرایەتیی سەربەخۆ

ئاڤا نیوز

 

بە مەبەستی باشترکردنی سێکتەرەکە بەڕێوەبەرایەتیی ئاو و ئاوەڕۆی هەولێر هەڵدەوەشێنرێتەوە و دەکرێنە دوو بەڕێوەبەرایەتیی سەربەخۆ.

 

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەولێر بە ئاڤا نیوزی ڕاگەیاند، چەند لیژنەیێکیان بۆ ئەنجامدانی ڕێكارەكانی جیاكردنەوە بەڕێوەبەرایەتییەکەیان بۆ دوو بەڕێوەبەرایەتی جیا بە ناوەکانی ئاوی هەولێر،، هەروەها ئاوەڕۆی هەولێر ڕاسپاردووە.

 

زانیاریی زیاتر: هەریەک لە ئەندازیاران ڕابەر حوسێن حەمەد وەک بەڕێوەبەری ئاوی هەولێر، هاوكات ئەندازیار زەردەشت عەبدولخالق وەک بەڕێوەبەری ئاوەڕۆی هەولێر دەستبەكار بوون.

 

بۆچی گرنگە: لە پێناو بەرژەوەندیی گشتی و برەودان بە كارەكانی ئاو و ئاوەڕۆ و گەیاندنی خزمەتگوزاریی باشتر لە هەردوو سێكتەرەكە لە شاری هەولێر، وەزارەتی شارەوانی و گەشتوزار، بڕیاری دا بە بە جیاکردنەوەی بەڕێوەبەرایەتیی ئاو و ئاوەڕۆی هەولێر بۆ دوو بەڕێوەبەرایەتیی سەربەخۆ.