سەرۆكوەزیران مەسرور بارزانی لەگەڵ هاوتا كرواتییەكەی کۆبووەوە

ئاڤا نیوز

 

سەرۆكوەزیران مەسرور بارزانی و سەرۆكوەزیرانی كرواتیا لە داڤۆس كۆبوونەوە و چەند پرسێكیان تاووتوێ كرد.

 

وێنە گەورەكە: ئەمڕۆ پێنجشەممە 23-1-2025، سەرۆكوەزیران مەسرور بارزانی لە دوا ڕۆژی بەشداریکردنی لە کۆڕبەندی ئابووریی جیهانی لە داڤۆس، لەگەڵ ئەندرێ پلێنکۆڤیچ، سەرۆکوەزیرانی کرواتیا کۆبووەوە.

 

زانیاریی بەدەستهاتوو: لە دیدارەکەدا کە گۆردان رادمان، وەزیری دەرەوەی کرواتیا ئامادەی بوو، برەودان بە پەیوەندیی دوولایەنە و دوایین گۆڕانکاری و دۆخی گشتیی عێراق و ناوچە تاوتوێ کرا، هاوكات هەردوولا هاوڕا بوون لەسەر پێویستیی بەهێزکردنی پەیوەندییەکانی هەرێمی کوردستان و کرواتیا، بەتایبەتی لە بوارەکانی ئابووری و وەبەرهێناندا.