بەغدا وەڵامی هەرێمی کوردستان دەداتەوە

ئاڤا نیوز

باسم عەوادی، گوتەبێژی حکومەتی فیدراڵ، پێشنیازێکی نوێنەری حکومەتی فیدراڵ لە پەرلەمان سەبارەت بە هەموارکردنەوەی یاسای بودجە ڕەتکردەوە.

لێدوانی فەرمی: باسم عەوادی ڕایگەیاند: حکومەت  پابەندە بەو بڕگانەی لەهەمواری یاساکەدا ئاراستەی ئەنجوومەنی نوێنەران کراوە. هاوکات نوێنەری حکومەت لە پەرلەمان جەختی لەوە کردەوە کە هیچ هەموارکردنەوەیەکی دیکە لە یاسای بودجەدا ناکرێت پێچەوانەی ئەو دەقانە بێت کە لەلایەن ئەنجوومەنی وەزیرانەوە ڕەوانە کراوە.

باکگڕاوند: پێشەوا هەورامانی، گوتەبێژی حکومەتی هەرێمی کوردستان ڕایگەیاندبوو:

- ئێمە تووشی سەرسوڕمان بووین بەوەی پێشنیازێک لە لایەن نوێنەری حکومەتی فیدراڵ لە ئەنجوومەنی نوێنەرانەوە کراوە کە تاکلایەنە و بە بێ ئەوەی ڕاوێژ لەگەڵ حکومەتی هەرێمی کوردستان بکرێت، یان لە ئەنجوومەنی وەزیرانی فیدراڵەوە دەنگی لەسەر درابێت بۆ ئەنجوومەنی نوێنەران نێردراوە.

- ئەم پێشنیازە لە هەمانکاتدا دژی بڕیاری پێشووی ئەنجوومەنی وەزیرانی فیدراڵیشە، تایبەت بە هەموارکردنەوەی پڕۆژە یاسای بودجە بۆ هەناردەکردنەوەی نەوتی هەرێمی کوردستان.