ئاڤا بە دواداچوون بۆ بڕیاری دامەزراندنی 500 کەس لە پارێزگای هەڵەبجە دەکات

ئاڤا نیوز

دوای بەدواداچوونەکانی ئاڤا میدیا لەبارەی دامەزراندنی 500 کەس بۆ پارێزگای هەڵەبجە، پارێزگاری ئەو شارە ڕایدەگەیێنێت کە هێشتان ناوەکان نەگەڕاوەتەوە دیوانی پارێزگا، بەڵام لەوانەیە هەفتەی داهاتوو بگات.

چیرۆکی سەرەکی: سەرۆکوەزیران مەسرور بارزانی ساڵی ڕابردوو دووجار سەردانی پارێزگای هەڵەبجەی کرد و لە هەردوو سەردانەکەی نۆ بڕیاری لەبەرژەوەندی خەڵکی هەڵەبجە دا، یەکێک لە بڕیارەکان دامەزراندنی 500 کەس بوو وەک میلاک.

لێدوانی فەرمی: ئازاد تۆفیق، پارێزگاری هەڵەبجە، بە ئاڤا میدیای ڕاگەیاند: بڕیاری دامەزراندنی 500 کەس وەکو میلاک ڕاستە، بەڵام تا ئێستا ناوەکان نەگەیشتۆتە دیوانی پارێزگای هەڵەبجە و چاوەرێن کە لەوانەیە ڕۆژی یەکشەممە بگات، لە ئەگەری گەڕانەوەی ناوەکان ئێمە لە ڕێگەی پەیجی ڕەسمی دیوانی پارێزگای هەڵەبجە، سەرجەم ناوەکان بڵاودەکەینەوە.

لەلایەکی دیکەوە: کاوە عەلی، ئەندامی پەرلەمانی کوردستان، بە ئاڤا میدیای ڕاگەیاند: لە ئەنجوومەنی ڕاژە پێیان ڕاگەیاندووین ناوەکان تەواو کراوە و ئاراستەی ئەنجوومەنی وەزیران کراوە، ئەنجوومەنی وەزیرانیش ناوە دامەزراوەکان ئاراستەی پارێزگای هەڵەبجە دەکات، لە نزیکترین کاتدا دەگاتە دیوانی پارێزگا و کارەکانی تەواو کراوە.