هەفتەی ڕابردوو بانکی ناوەندیی عێراق زیاتر لە یەک ملیار دۆلاری فرۆشتووە

ئاڤا نیوز

 

ڕێژەی فرۆشتنی دۆلار لە هەفتەی ڕابردوودا کەمی کردووە و بانکی ناوەندیی عێراق زیاتر لە یەک ملیار دۆلاری فرۆشتووە. 

 

وێنە گەورەکە: بانکی ناوەندیی عێراق تەنیا لە پێنج ڕۆژی هەفتەی ڕابردوو  یەک ملیار و 52 ملیۆن و 796 هەزارو 86 دۆلاری فرۆشتووە، واتە ڕۆژانە  بڕی 210 ملیۆن و 559 ملیۆن و 217 دۆلاری فرۆشتووە، بەراورد بە هەفتەی پێشووتر ڕێژەکە کەمتر بووە،  کە  یەک ملیار و 62 ملیۆن و 587 هەزار و 198 دۆلار بووە.

 

ژمارەکان وادەڵێن: فرۆشتنی دۆلار ڕۆژی سێشەممە 214 ملیۆن و 597 هەزار و 79 دۆلار بووە، بەراورد بە ڕۆی دووشەممە بڕەکەی زۆرتر بووە کە 206 ملیۆن و 555 هەزارو 16 دۆلار بووە.

لەلایەکی دیکەوە: فرۆشتنی دۆلاریش بە حەواڵەی دەرەکی بۆ هەفتەی ڕابردوو 896 ملیۆن و 586 هەزارو 86 دۆلار بووە، بەراورد بە فرۆشی نەختی ڕێژەکە لەسەدا 83 بەرزتر بووە کە بڕی 156 ملیۆن و 210 هەزار دۆلار بووە.