لە شارەزوور بۆنێکی ناخۆش بڵاوبووەتەوە

ئاڤا نیوز

 

بەهۆی بڵاوبوونەوەی بۆنێکی ناخۆشەوە، دانیشتوانی شارەزوور گردبوونەوە، هاوکات پسپۆڕێکی ژینگەش هۆشداریی دەدات لەوەی بڵاوبوونەوەی بۆنی لەمشێوەیە سەرچاوەیەکی نەخوازراوە، بۆیە جەستە قبووڵی ناکات.

 

چیرۆکی سەرەکی: بۆنێکی ناخۆش، سنووری شارەزووری گرتووەتەوە و سەرچاوەکەشی لە شارەزوور نییە، ئەمەش کاردانەوەی پیاوانی ئایینی و هاونیشتمانیانی لێکەوتووەتەوە و گردبوونەوەیەکیان ئەنجام دا و پەیامێکی ناڕەزایەتییان بڵاو کردەوە.

 

لێدوانە فەرمییەکان: سەربەست شێخ بورهان، ڕێکخەری گردبوونەوەکە بە ئاڤا میدیای ڕاگەیاند: بۆنەکە مەترسی ڕاستەوخۆی لەسەرمان هەیە، بۆیە داوامان لەلایەنی پەیوەندیدار کردووە، هەنگاوی جددی بگرنەبەر و بۆنەکە بنبڕ بکرێت، چونکە کاریگەریی لەسەر تەندروستیی هاونیشتمانیان دروستکردووە.

 

د. ساڵح نەجیب، پسپۆڕی ژینگەیی بە ئاڤا میدیای گوت: بۆ ئەوەی بگەینە سەرچاوەی بۆنەکە دەبێت لێکۆڵینەوەی مەیدانی بکەین، بەڵام هەر بۆنێک کە بگاتە ئاستێک کاردانەوەی لەسەر مرۆڤەکان دەربکەوێت، ئەوا جێگەی مەترسییە و هۆشداریی دەداتە مرۆڤەکان لەوەی شوێنەکە جێبهێڵن.