سەرۆک بارزانی: هەرێمی کوردستان دەتوانێت ڕۆڵێکی گرنگ لە سووریای نوێدا ببینێت

ئاڤا  نیوز

 

سەرۆک بارزانی، لە نوێترین چاوپێکەوتنی تەلەڤزیۆنیدا تیشک دەخاتە سەر ڕۆڵی هەرێمی کوردستان لە سووریای نوێدا و باسی یەکخستنەوەی هەڵوێستی کورد دەکات لەو وڵاتە.

 

وێنە گەورەکە: سه‌رۆک مه‌سعود بارزانى، له‌ چاوپێکەوتنێکی نوێدا لەگەڵ كه‌ناڵى (الشمس) ڕایگه‌یاند: ئەوەی لە ئیدارەی نوێی سووریا گوێمان لێدەبێت باش و ئەرێنین، هیوادارین قسەکان بکرێنە کردار و مافی خۆمانە نیگەران بین، چونکە نابێت تەنیا لە چوارچێوەی قسەدا بمێننەوە و دەبێت ببنە کردار.

 

لێدوانی فەرمی: سەرۆک بارزانی تیشکی خستە سەر ڕۆڵی هەرێمی کوردستان لە سووریا نوێدا و ڕایگەیاند: هەرێمی کوردستان دەتوانێت ڕۆڵێکی گرنگ بگێڕێت لە یەکخستنەوەی هەڵوێستی کورد و هاندانیان بۆ گفتوگۆکردن لەگەڵ دیمەشق.

 

-یارمەتیدانیان بە سوود وەرگرتن لە ئەزموونی هەرێمی کوردستان، بەڵام پێویست نییە ئەزموونی هەرێمی کوردستان کۆپی بکرێت و بۆ سووریا بگوازرێتەوە.

-چونکە هەر بەشە و تایبەتمەندیی خۆی هەیە، بەپێی ئەو تایبەتمەندییە کە لە سووریا هەیە یارمەتییان دەدەین.

-هەوڵ دەدەین لە ڕووی ئابوورییەوە یارمەتییان بدەین.

-بە ڕاشکاوی نەک تەنها کورد، بەڵکو هەر مرۆڤێک دووچاری ستەم بێت و بتوانین یارمەتی بدەین، بەبێ هیچ دوو دڵییەک یارمەتیی دەدەین.