چەند ناوچەیەک لە سنووری سلێمانی و هەڵەبجە کارەبایان بڕاوە

ئاڤا نیوز

 

بەهۆی چاكسازی لە دوو هێڵی كارەبا و دروستبوونی كێشەیەك لە وێستگەی گۆڕینی كارەبای تانجەڕۆ، پێدانی كارەبای نیشتمانی بە دەربەندیخان، پێنجوێن، شارەزوور، سەیدسادق و هەڵەبجەی شەهید بڕاوە.

 

ڕاگەیێنراوی فەرمی: بەڕێوەبەریەتیی گشتیی کارەبای سلێمانی ڕایگەیاند: ئاگاداری دانیشتوانی سنوورەکانی دەربەندیخان، هەڵەبجەی شەهید، خورماڵ، سەیدسادق، پێنجوێن، شارەزوور، دەکاتەوە. بەهۆی چاکسازیی لە هێڵەکانی 133 کەی ڤی گواستنەوەی کارەبای وێسگەی باشوور- دەربەندیخان، وێستگەی ئەزمەڕ – دەربەندیخان، هێڵی 132 کەی ڤی تانجەرۆ - سەیدسادق - پێنجوێن ڕاگیرابوون بۆ کاری چاکسازی، ئێستا بەهۆی دروستبوونی کێشەیەک لە وێستگەی گۆڕینی کارەبای تانجەرۆ،  کارەبایان نییە.

 

لیدوانی فەرمی: سیروان محەممەد، وتەبێژی بەڕێوەبەرایەتیی کارەبای سلێمانی بە ئاڤا میدیای ڕاگەیاند: ئێستا تیمەکانی چاکسازی وێستگەکان و هێڵەکانی بەڕێوەبەرایەتیی گواستنەوەی کارەبا، سەرقاڵی چارەسەرکردنی کێشەکەن.