پێشکەشکارێک دەبێتە وەزیری بەرگریی ئەمریکا

ئاڤا نیوز

 

ئەنجوومەنی پیرانی ئەمریکا دەستنیشانکردنی 'پیت هێگسێس'ـی وەک وەزیری بەرگریی ئەو وڵاتە پەسەند کرد کە لەلایەن دۆناڵد ترەمپ، سەرۆکی ئەمریکاوە پێشنیاز کرابوو.

 

زانیاریی زیاتر: هێگسێس لەدایکبووی ساڵی 1980ـیە، ئەو پێشتر ئەفسەری سوپا بووە، جیاواز لە خزمەتکردن لە سوپای ئەمریکا، میدیاکار بووە و وەک پێشکەشکار لە کەناڵی فۆکس نیوز کاری کردووە.

 

ئەوەی لەبارەیەوە دەگوترێت: سەرەڕای ئەوەی هێگسێس تۆمەتبار بوو بە خراپیی ڕەفتاری سێکسی و زیاد خواردنەوەی کحول و هەروەها ناشایستەیی لە بەڕێوەبردنی گەورەترین هێزی سەربازیی جیهان، بەڵام ئەنجوومەنی پیران دەستنیشانکردنەکەیان پەسەند کرد.

 

چی ڕوویدا: لە دەنگداندا سێ ئەندامی کۆمارییەکان دەنگیان لە دژ دا و بەم پێیە دەنگەکان بوون بە 50 بەڵێ و 50 نەخێر، بۆیە جی دی ڤانس، جێگری سەرۆکی ئەمریکا دەنگی یەکلاکەرەوەی دا و ئەوەش لە بەرژەوەندیی هێگسێس بوو.