ئەمریكا لە فرۆشتنی چەک ئاستی پێوانەیی تۆمار دەكات

ئاڤا نیوز

 

بەگوێرەی داتاكانی وەزارەتی دەرەوەی ئەمریكا، بەهای فرۆشتنی چەكی ئەمریكی لە ساڵی 2024ـدا، زیاتر لە 318 ملیار دۆلار بووە، ئەوەش بەرزترین ئاستی تۆماركراوە لە مێژووی ئەو وڵاتە.

 

ڕاگەیێنراوی فەرمی: وەزارەتی دەرەوەی ئەمریكا ڕایگەیاند، فرۆشتنی چەك و كەلوپەلی سەربازی لە ساڵی پاردا بەڕێژەی 29% زیادیكردووە و بەهاكەی گەیشتووەتە 318 ملیار دۆلار.

 

زانیاریی زیاتر: لە ساڵی 2024ـدا، کۆمپانیاكانی بەرهەمهێنانی چەك لە ئەمریکا، بە بەهای 23 ملیار دۆلار فڕۆکەی جەنگی ئێف-16 و بەرنامەکانی نوێکردنەوەیان بە تورکیا فرۆشتووە، هاوكات بە بەهای 18 ملیار و 800 ملیۆن دۆلار فڕۆکەی جەنگی ئێف-15ـەیان بە ئیسرائیل فرۆشتووە.

 

ژمارەكان وادەڵێن: فرۆشتنی راستەوخۆی چەک لەلایەن کۆمپانیا ئەمریکییەکانەوە لە ساڵێکدا لە 157 ملیار دۆلارەوە بۆ 200 ملیار دۆلار بەرز بووەتەوە، هەروەها فرۆشتنی چەک لەڕێگەی حکومەتی ئەمریکاوە لە 80 ملیار دۆلارەوە بۆ 118 ملیار دۆلار بەرزبووەتەوە.