پەیامی مەسرور بارزانی بۆ ئەمریکا

ئاڤا نیوز

 

سەرۆکوەزیران مەسرور بارزانی لە واشنتن پەیامی هەرێمی کوردستانی گەیاندە ئیدارەی بایدن و کۆنگرێس، کە بەدەم کێشەکانی هەولێر و بەغدا بچن تاوەکو کات درەنگ نەبووە.

 

بۆچی گرنگە: بەهۆی شەڕ و ناکۆکییەکانی رۆژهەڵاتی ناوەڕاست، ئیدارەی بایدن دەیەوێ پێداچوونەوە بە سیاسەتەکانیدا بۆ ڕۆژهەڵاتی ناوەڕاست بکات لەنێویدا عێراق.

ئەمریکا چی دەڵێ: لە کۆبوونەوەکانی سەرۆکوەزیران بارزانی لەگەڵ کۆشکی سپی، وەزارەتەکانی دەرەوە و بەرگریی و کۆنگرێس بە هەردوو پارتی کۆماری و دیموکرات، پەیامی ئەمریکا ئەوە بووە کە واشنتن پشتیوانی کوردستانێکی بەهێز و خۆڕاگرە لە ڕووی سیاسی و ئابوورییەوە.

 

پەیامی سەرۆکوەزیران: مەسرور بارزانیش لە کۆبوونەوەکانیدا لە واشنتن ڕایگەیاندووە، کە هەولێر وەک هاوپەیمانیی ئەمریکا هیچ سازشێک لە مافە دەستوورییەکانی ناکات و دەبێ ئەمریکا بێتە سەر هێڵ بۆ چارەسەرکردنی کێشەکانی هەولێر و بەغدا تاوەکو کات زۆر درەنگ نەبووە و کار لە کار نەترازاوە.

 

چاوەڕوانکراوەکان: دوای سەردانی سەرۆکوەزیران بارزانی بۆ ئەمریکا و ئەو پێشوازییە گەرمەی لێی کرا، ئیدارەی بایدن زیاتر نزیک دەبێتەوە لە هەرێمی کوردستان و هاوکارییەکانی زیاتر دەکات و کۆمارییەکانیش کە ئەگەری زۆرە هەڵبژاردنی ئەمساڵ ببەنەوە زیاتر گوشار دەکەن بۆ پاراستنی هەرێمی کوردستان.