حەسەن شەریف گۆرانییەک لەسەر کاری کۆڵبەری بەرهەمدەهێنێت

 

ئاڤا نیوز

هونەرمەندی کورد حەسەن شەریف، بەرهەمێکی نوێی بە ناوی (دبن بارێ ژیانێ) تایبەت بە سەختییەکانی ژیانی کۆڵبەری  لە شێوەی ڤیدیۆکلیپدا بڵاوکردەوە.

چیرۆکی سەرەکی: چیرۆکی گۆرانییەکە دەربارەی پیشەی سەختی سەر سنوورەکان و بە تایبەتیش ڕۆژهەڵاتی کوردستانە کە ئەویش کاری کۆڵبەرییە، ڤیدیۆ کلیپەکە لە نێو بەفردا وێنەگیراوە و کۆڵبەران و کارە سەختەکەیان بۆ بژێوی ژیانیان نیشاندەدات.

زانیاریی زیاتر: موئەیەد تەیب شیعری گۆرانییەکەی نووسیوە و حەسەن شەریف هەر خۆی ئاوازی بۆ داناوە. گۆرانییەکە ستایلێکی غەمگینی هەیە و تێیدا کەمال جەیلان ئامێری دودوک دەژەنێت و (گورسێل دایان) کاری دابەشکردنی موزیکی بۆ ئەنجامداوە.

باکگراوند: حەسەن شەریف یەکێکە لە گۆرانیبێژە دیارەکانی کورد و ماوەی زیاتر لە 20 ساڵە لە بواری هونەریدا کاردەکات و گۆرانی دەڵێت.