وەزارەتی پەروەردە سیستەمێکی نوێی بۆ بڵاوکردنەوەی ئەنجامی تاقیکردنەوەکان ڕاگەیاند

ئاڤا نیوز

 

وەزارەتی پەروەردە ئەمشەو لە ڕێگەی ئەپڵیکەیشنی 'ئی - هەڵسەنگاندنەوە' ئەنجامی تاقیکردنەوەکانی کۆتایی وەرزی یەکەم - خولی یەکەم بڵاودەکاتەوە. 

 

وێنە گەورەکە: یەكێک لە هەنگاوە ئەرێنییەکانی کابینەی نۆیەمی حکومەتی هەرێمی کوردستان بەدیجیتاڵیکردنی کاروبارەکانی دام و دەزگاکان بوو، لەو چوارچێوەیەشدا وەزارەتی پەروەردە خزمەتگوزاری ئی - هەڵسەنگاندنی ڕاگەیاندووە کە دەبێتە پردی پەیوەندی نێوان خێزانی قوتابی و قوتابخانەکان تا ئێستا 200 هەزار جار داونڵۆد کراوە.

 

لێدوانی فەرمی: ئالان حەمەسەعید، وەزیری پەروەردەی حکومەتی ‌هەرێمی کوردستان لەگەشتی هەواڵەکانی کاتژمێر حەوتی ئاڤا میدیا ڕایگەیاند: ئەمشەو ئەنجامی تاقیکردنەوەکانی کۆتایی وەرزی یەکەم - خولی یەکەم قوتابییان لە ڕێگەی ئەپلیکیشنی ئی - هەڵسەنگاندنەوە ڕادەگەیێنرێت.

 

- ساڵانە 40 ملیۆن دینار تەنیا لە دابینکردنی کارتی ئەنجامی نزیکەی دوو ملیۆن قوتابی تەرخان دەکرێت جگە لە پارەی خەرجی دیکە و ماندووبوونی ستافی قوتابخانە و وەزارەتەکان، ئەو پارەیە بۆ وەزارەت دەگەڕێتەوە بە چالاککردنی ئەپڵیکەیشنەکە."

 

ئەوەی پێویستە بیزانیت: بۆ یەکەمجارە لە قوتابخانە و پەیمانگە حکومییەکان، یەک ملیۆن 763 هەزار و 672 قوتابی لە شەش هەزار و 935 ناوەندی خوێندن، دەتوانن نمرەکانیان بە شێوازی دیجیتاڵی وەربگرنەوە.