فەرەنسا بەشێک لە سزاکانی سەر سووریا هەڵدەگرێت

ئاڤا نیوز

 

یەکێتی ئەوروپا بۆ هەڵگرتنی سزاکانی سەر سووریا لە برۆکسل  کۆدەبێتەوە، لەو چوارچێوەیەدا فەرەنسا بەشێک لە سزاکانی سەر سووریا هەڵدەگرێت کە لەسەردەمی دەسەڵاتی بەشار ئەسەد بەسەر ئەو وڵاتەیدا سەپاندبوو.

 

وێنە گەورەکە: بەمەبەستی هێنانەدی ئاسانکاری زیاتر بۆ هاووڵاتییانی سووریا و دابینکردنی پشتیووانی و ئاسانکاری بۆ حکومەتی نوێی سووریا، فەرەنسا بەشێک لە سزاکانی بۆ سەر ئەو وڵاتە هەڵدەگرێت.

 

زانیاریی بەدەستهاتوو: بەپێی زانیارییەکانی سەرچاوەی هەواڵی رۆیتەرز، وەزیری دەرەوەی فەرەنسا بەشێک لە سزاکانی سەر سووریا هەڵدەگرێت ئەمەش لە چوارچێوەی کۆبوونەوەکانی یەکێتی ئەوروپا بۆ هەڵگرتنی سزا نێودەوڵەتییەکانی سەر سووریا.

 

زانیاریی زیاتر: ڕۆژی 27-1-2025، وەزیرانی دەرەوەی یەکێتیی ئەوروپا لە بڕۆکسڵ کۆدەبێتەوە بۆ تاوتوێ کردنی سزا نێودەوڵەتییەکانی سەر سووریا. 

 

لێدوانی فەرمی: جان نوێل بارون، وەزیری دەرەوەی فەرەنسا ڕایگەیاند: وڵاتەکەمان بەشێک لە سزای سەر سووریا هەڵدەگرێت، بەبێ ئاماژەدان بە جۆری سزاکان.

 

باکگراوند: دوای کۆتایی هاتنی دەسەڵاتی بەشار ئەسەد لە 8ـی دیسێمبەری ساڵی ڕابردوو، بەشێک لە وڵاتانی  ڕۆژئاوا داوا دەکەن سزا نێودەوڵەتییەکانی سەر سووریا هەڵبگرن.