فەرمانبەرانی گرێبەست لە وەزارەتی ئەوقاف دەکرێنە هەمیشەیی

ئاڤا نیوز

 

بەشێکی فەرمانبەرانی وەزارەتی ئەوقاف دەکرێنە هەمیشەیی و فەرمانبەرە خۆبەخشەکانیش مافەکانیان دەپارێزرێت.

 

لێدوانی فەرمی: نەبەز ئیسماعیل، بەڕێوەبەری ئەوقافی هەولێر و وتەبێژی وەزارەتی ئەوقاف بە ئاڤا میدیای ڕاگەیاند: لە کۆی 28 فەرمانبەری گرێبەست لە سنووری هەولێر کە مامۆستای ئایینیشی تێدایە، زیاتر لە 15 فەرمانبەر دەکرێنە هەمیشەیی، لەگەڵ ئەوەشدا لەو سنوورە 97 کەس وەک خۆبەش کار دەکات.

 

نەبەز ئیسماعیل گوتیشی: هەزار 500 کەس کە بەشێوەی خۆبەش لە وەزارەتەکە کار دەکەن و پادداشتی 250 هەزار دیناری وەردەگرن، هەوڵدەدرێت لە داهاتوو مافەکانیان بچەسپێندریت.

 

ئەوەی پێویستە بیزانیت: بەگوێرەی ڕێنماییەکانی وەزارەتی دارایی حکومەتی هەرێمی کوردستان، ئەو فەرمانبەرانەی لە گرێبەستەوە دەکرێنە هەمیشەیی، دوای بەهەمیشەییکردنیان نابێت تاوەکو سێ ساڵ داوای گواستنەوەی ڕاژە بکەن.