لە هەولێر 15 کامێرای دیکەی تیژڕۆیی دەكەونە كار

ئاڤا نیوز

بەڕێوەبەرایەتیی هاتووچۆی هەولێر شۆفێرانی سنووری پارێزگای هەولێر ئاگادار دەكاتەوە كە لە سبەیەوە كامێرای تۆماركردنی تیژڕۆیی چوارڕیانەكان دەخرێنە كار.

ڕاگەیێنراوی فەرمی: هاتووچۆی هەولێر ڕایگەیاند: كاتژمێر 12ی ئەمشەو کامێراکانی تۆمارکردنی سەرپێچیی تیژڕۆیی جێگیر لە 15 چوارڕیانی نێو شاری هەولێر بە شێوەی تاقیكردنەوە دەكەونە كار بۆ ماوەی 10 ڕۆژ، تاوەكو ڕێككەوتی 7-2-2025 لە دوای ئەو كاتە سەرپێچییەكان تۆمار دەكرێن.

زانیاریی زیاتر: بەپێی ئاگادارییەكەی هاتووچۆی هەولێر، كامێرای چوارڕیانەكان ئەم سەرپێچییانەی خوارەوە تۆمار دەكەن:-

1- نەوەستان لە گلۆپی سووری ترافیکلایت.

2- لێخوڕین بەخێرایی زیاتر لەو خێراییەی کە ڕێگەی پێدراوە بۆ تێپەڕین لە ترافیکلایت لەو کاتەی گڵوپی ترافیکلایت سەوزە.

3- زیاتر هاتنە پێش و تێپەڕاندنی هێڵی پەڕینەوەی پیادە لەو کاتەی کە گڵوپی ترافیکلایت سوورە.