فیلمی 'خۆری ناو سێبەر' لە سلێمانی نمایش دەکرێت

ئاڤا نیوز

بڕیارە ڕۆژی سێشەممە 2ـی 4ـی 2025  فیلمی 'خۆری ناو سێبەر' لە ڕۆژی جیهانی شیرپەنجەدا لە ژێر ناونیشانی "خەمی هیوا خەمی هەموومانە" لە شاری سلێمانی نمایش بکرێت.

 

چیرۆکی سەرەکی: فیلمی 'خۆری ناو سێبەر' 22 ـین بەرهەمی گرووپی خێزانە کە باس لە چەند چیرۆك و بەسەرهاتی توشبووانی نەخۆشی شێرپەنجە دەکات، بەشێکی دیکەی فیلمەکە باس لەو چیرۆکانە دەکات کە لە پشتی ئەم نەخۆشیەوەن، هاوکات فیلمەکە باس لە هەوڵ و دڵسۆزی و بە هاناچوونی پزیشك و کارمەندانی تەندروستیی  بەرامبەر تووشبوانی ئەم نەخۆشیە دەکات.

 

زانیاریی زیاتر: فیلمی خۆری ناو سێبەر لە سیناریۆ و دەرهێنانی ڕێبوار محەممەدە، کامێرا و مۆنتاژی لەلایەن باوەڕ ڕەفیق کاری بۆکراوە و بە سپۆنسەری کۆمەڵگای پەروەردەیی مارگرێت بەرهەمهێنراوە.

 

ئەوەی پێویستە بیزانیت: ماوەی فیلمەکە 90 خولەکە، لە ناو شاری سلێمانی کاری وێنەگرتنی بۆ کراوە کە نزیکەی 40 ئەکتەری بە توانا بەشداریان تێدا کردووە، کە دیارترینیان حیکمەت هندی، بەیان زەریفی، دایکی ئاریان، ڕێبوار محەممەد و ئارەزو کاکە برا و کۆمەڵێك ئەکتەری دیکەی بە توانان.

ئەوەی پێویستە بیزانیی: فیلمی خۆری سیبەر ڕۆژی سێشەممە 2ـی 4ـی 2025  لە هۆڵی سینەمای سالم کاتژمێر سێی پاش نیوەڕۆ نمایش دەکرێت و هاتن بۆ هەمووانە و بێ بەرامبەرە.