لەیدی گاگا ئەلبوومێکی نوێ بڵاودەکاتەوە

 

 

 

چیرۆکی سەرەکی: لەیدی گاگا، ئەو خانمە هونەرمەندەی قاچێکی لە سینەمادایە و قاچێکی لە موزیک و گۆرانی، پاش نمایشکردنی بەشی دووەمی فیلمی جۆکەر، جارێکی دیکە دەردەکەوێتەوە و ئەلبوومێکی نوێی گۆرانی بڵاودەکاتەوە.

لێدوانی فەرمی: لە لێدوانێکیدا لەیدی گاگا بە میدیاکانی ڕاگەیاندووە: ئەلبوومە نوێیەکەی ناوی (مەیهم)ـە و لە 14 تراک پێکهاتووە، ئەلبوومەکە لە مانگی 3دا بڵاودەکرێتەوە.

زانیاریی زیاتر: بڕیارە پێش وادەی بڵاوکردنەوەی تەواوی ئەلبوومەکە، گۆرانی (مەیهم) کە ناونیشانی ئەلبوومەکەشە لە ئاهەنگی دابەشکردنی خەڵاتەکانی گرامی بڵاوبکرێتەوە.

بڵاوبوونەوەی هەر کارێکی هونەریی لەیدی گاگا ڕەخنەگران دەخاتە چاوەڕوانییەوە و هەمووان دەیانەوێت دەرکەوتنە نوێیەکەی ئەو خانمە 39 ساڵە ببینن.

 

 

ئەمەش بزانە: گاگا، براوەی خەڵاتەکانی ئۆسکار و دوو گۆڵدن گڵۆب و 18 خەڵاتی ئێم تیڤیی و 13 خەڵاتی گرامییە و تا ئێستا 170 ملیۆن کۆپی لە بەرهەمەکانی فرۆشراون.