لە کەرکووک پزیشکێک هەوڵ دەدات بە سەرخۆشی نەشتەرگەری بۆ نەخۆشێک بکات

ئاڤا نیوز

 

ئەمڕۆ چوارشەممە دکتۆرێک بەسەرخۆشی چووەتە نەخۆشخانەی ئازادیی کەرکووک تاوەکو نەشتەرگەری بۆ نەخۆشێک ئەنجامبدات، بەڵام لەلایەن بەرپرسانی نەخۆشخانەکەوە ڕێگەی پێنەدراوە بچێتە ژوورەوە.

لێدوانی فەرمی: سەرچاوەیەک لە نێو نەخۆشخانەی ئازادیی کەرکووک بە ئاڤا میدیای ڕاگەیاند: یەکێک لە دکتۆرەکان ئەمڕۆ بڕیار بوو نەشتەرگەری بۆ نەخۆشێک ئەنجامبدات لە نەخۆشخانەی ئازادیی کەرکووک، بەڵام دواتر هاوپیشەکانی هەستیان پێکردووە سەرخۆشە و ڕێگریان لێکردووە، بەمەش ڕێگە نەدراوە نەشتەرگەرییەکەی ئەنجام بدات.

 

زانیاریی زیاتر: سەرچاوەکە دەڵێت: دوای ڕێگریکردن لە دکتۆرەکە دکتۆرێکی پسپۆری دیکە دێت نەشتەرگەرییەکە بۆ نەخۆشەکە ئەنجام دەدات، دکتۆرە سەرخۆشەکەش لەلایەن بەڕێوەبەری گشتیی نەخۆشخانەی ئازادیی لە کەرکووک سكاڵای لەسەر تۆمارکراوە و لیژنەیەکی بۆ لێکۆڵینەوە لەسەر ڕووداوەکە پێکهێنراوە.