شاندی کوردستان لە هەولێر لەبارەی مووچە ئامادەکارییەکانی تەواو کرد

ئاڤا نیوز

 

بەگوێرەی زانیارییەکانی ئاڤا میدیا، ئێوارەی ئەمڕۆ چوارشەممە شاندی باڵای کوردستان لە وەزارەتی دارایی و ئابووری هەرێمی کوردستان لە هەولێر کۆبوونەتەوە. ئاڤا زانیویەتی کەمێک پێشت ئێستا کۆبوونەوەکە تەواو بووە.

 

وێنە گەورەکە: لە کۆبوونەوەکەدا لیستی مووچە و لیستی خانەنشینان و میزان موراجەعەی مانگی 12ی ساڵی ڕابردوو گفتوگۆیان لەسەر کراوە و سەرجەمیان تەواو بوون. لیستەکان بەجۆرێکن هەموو بیانووەکانی بەغدا بڕاون، بەو پێیەی شاندەکانی خۆیان بەشدار بوون لە ئامادەکردنی ڕاپۆرتەکان.

 

زانیاریی زیاتر: بەپێی زانیارییەکانی ئاڤا، لیستی مووچەی خانەنشینی کە بەغدا داوای کردبوو سێ تەمەن پێکەوە خانەنشین بکرێن، 28 هەزار فەرمانبەر تۆمارکراون.

 

لەلایەکی دیکە: بڕیارە سبەی پێنجشەممە شاندە باڵاکەی هەرێمی کوردستان بچێتە بەغدا و هەینی کۆبوونەوەکەیەک لەگەڵ بەرپرسانی بەغدا  لەبارەی مووچە و بودجەی فەرمانبەران بکرێت.