كۆبوونەوەی شاندی هەرێمی كوردستان و عێراق كۆتاییهات

ئاڤا نیوز

دوای دوو كاتژمێر و نیو، كۆبوونەوەی شاندی هەرێمی كوردستان و عێراق كە لە هۆتێلێكی شاری بەغدا بەڕێوەچوو كۆتاییهات.

چیرۆکی سەرەکی: دوێنێ پێنجشەممە 2025-1-30 شاندێكی هەرێمی كوردستان بۆ یەكلاكردنەوەی پرسی مووچەی فەرمانبەرانی هەرێمی كوردستان و دەستپێكردنەوەی هەناردەكردنی نەوت و مووچە و پاداشتی خانەنشینان و چەند پرسێكی دیكە و كۆبوونەوەیان لەگەڵ بەرپرسانی باڵای عێراق گەیشتنە شاری بەغدا.

زانیاریی پەیامنێر: دەروون مەلا ناجی، پەیامنێری ئاڤا میدیا لە بەغدای پایتەختی عێراق ڕایگەیاند: كەمێك پێش ئێستا كۆبوونەوەی شاندی هەرێمی كوردستان و عێراق لە هۆتێل بەغدا كۆتایی هات و تاوەكو ئێستا هیچ یەكێك لە بەشداربووانی كۆبوونەوەكە زانیارییان سەبارەت بە ناوەڕۆكەكەی ئاشكرا نەكردووە.

زانیاریی زیاتر: پێشووتر ڕاگەیێنرا كە كۆبوونەوەكە لە ماڵی فوئاد حوسێن، وەزیری دەرەوەی عێراق بەڕێوەدەچێت بەڵام لەبەر زۆری ئەندامانی کۆبوونەوەکە، شوێنەکەی بۆ هۆتێل بەغدا گۆڕا.