وەزارەتی دارایی لەبارەی مووچە: لەگەڵ بەغدا نزیکین لە چارەسەرکردنی کێشەکان

ئاڤا نیوز

 

ڕۆژی هەینی یەکەم کۆبوونەوەی نێوان شاندی دارایی هەرێمی کوردستان و عێراق دەستیپێکرد بە ئامانجی یەکلاکردنەوەی ئەو دۆسییە داراییانەی لە نێوانیاندا هەیە و سبەیش کۆبوونەوەکان بەردەوام دەبن. 

 

چیرۆكی سەرەكی: ئێوارەی پێنجشەممە 30-1-2025، شاندێكی باڵای حكومەتی هەرێمی كوردستان بۆ یەكلاكردنەوەی پرسی مووچە و گفتوگۆ لەگەڵ بەرپرسانی باڵای عێراق بە سەردانێك گەیشتنە شاری بەغدا، دوێنێ هەینی لە هۆتێل بەغدا كۆبوونەوەیەكی دوو كاتژمێری كرا، ئەمڕۆش لە كاتژمێر (8:00)ەوە كۆبوونەوەی دووەم دەستی پێكردووە و تا ئێستا {کاتژمێر 02:00} تەواو نەبووە.

 

ڕاگەیێنراوی فەرمی: وەزارەتی دارایی و ئابووریی حکومەتی هەرێمی کوردستان ڕاگەیاند: بۆ ڕۆژی دووەم لەگەڵ بەغدا لە گفتوگۆ بەردەوامن بەمەبەستی چارەسەرکردنی کێشە هونەرییەکان. چاوەڕوان دەکرێت لە نزیکترین کاتدا هەردوولا کارەکان تەواو بکەن.