لە یەک ساڵدا دەستبەسەر هەزاران چەقۆی نایاسایی گیراوە

ئاڤا نیوز

 

چەقۆ یاخود چەکی سپی یەکێکە لە ئامرازەکانی کوشتن، وەک هەر چەکێک، بەڵام کەمتر قسە و باسی لەسەرە، ئەمە لەکاتێکدایە سەرەڕای قەدەغەکردنی، بەڵام لە بازاڕ و دوکانەکان و شوێنە گشتییەکانی شاری سلێمانی و هەولێر بە ئاسانی دەستدەکەوێت.

 

ئەوەی پێویستە بیزانیت: هەر کەسێک کڕین و فرۆشتن بە چەقۆوە بکات لە سەرەتادا شوێنەکەی بۆ ماوەیەکی دیاریکراو دادەخرێت و کەلوپەلەکانیشی دەستی بەسەردا داگیرێت، بەڵام ئەگەر بێتو بەردەوام بێت ڕووبەڕووی دادگا دەکرێتەوە.

 

زانیاریی زیاتر: لە ساڵی 2024 لە پارێزگای هەولێر لێژنەکانی قایمقامیەت چوار شوێنیان داخستووە کە کاری کڕین و فرۆشتنی چەقۆیان دەکرد، لەپاڵ ئەمەش سەدان جۆری 'چەکی سپی' دەستی بەسەرداگیراوە.

لەلایەکی دیکە: بەپێی ئاماری بەرێوەبەرایەتی پۆلیسی سلێمانی لە ساڵی 2024 دەستگیراوە بەسەر نزیکەی دوو هەزار چەقۆی نایاسایی و چەندین دوکانی فرۆشتنی چەقۆش ڕووبەروی یاسا کراوەتەوە.