چین بۆ ئەمریکا: کەس لە شەڕی بازرگانیدا براوە نییە

ئاڤا نیوز

 

دوای ئەوەی دۆناڵد ترەمپ، سەرۆکی ئەمریکا بە ڕێژەی 10٪ باجی گومرگی خستە سەر کاڵاکانی چین کە هەناردەی ئەمریکا دەکرێن، وەزارەتی دەرەوەی چین ڕایگەیاند، "لە شەڕی بازرگانیدا کەس براوە نییە". 

وێنە گەورەکە: بە بڕیاری دۆناڵد ترەمپ، ئەمریکا باجی بەسەر هاوبەشە بازرگانییە سەرەکییەکانی ئەمریکا، کە کەنەدا، مەکسیک و چینن سەپاندووە، بە ڕێژەی 25٪ بۆ سەر کاڵاکانی مەکسیک و کەنەدا، بە ڕێژەی 10٪ بۆ سەر کاڵاکانی چین.

 

ڕاگەیێنراوی فەرمی: وەزارەتی دەرەوەی چین ڕایگەیاند، "هیچ کەسێک لە شەڕی بازرگانی یان شەڕی گومرگیدا براوە نابێت". حکومەتی چین پێوایە ئەو دۆخەی ئێستا هەیە کاریگەری لە کاری هاوبەش و هەنگاوەکانی داهاتووی نێوان هەردوو وڵات دەکات بۆ بەرەنگاربوونەوەی ماددە هۆشبەرەکان.

 

لەلایەکی دیکەوە: وەزارەتی بازرگانی چین لە بەیاننامەیەکدا بە نیگەرانییەکانی وڵاتەکەی کردووە، هاوکات لەبەرامبەر هەنگاوەکەی ئەمریکا، بە گوتەی وەزارەتی بازرگانیی چین، بەیجینگ داوای یاسایی لەسەر واشنتن لە ڕێکخراوی بازرگانیی جیهانی تۆمار دەکات.

- هەروەها بەڵێنیدا بە گرتنەبەری ڕێوشوێنی هاوشێوە بۆ پاراستنی ماف و بەرژەوەندییەکانیانی چین.