کۆمپانیایەکی گەشتوگوزار نزیکەی سێ ملیۆن دۆلاری خەڵک دەبات

ئاڤا نیوز

لە شاری سلێمانی کۆمپانیایەکی گەشتوگوزار نزیکەی سێ ملیۆن دۆلاری هاونیشتمانییان دەبات و تاوەکو ئێستاش دوو کەس لەسەر دۆسییەکە دەستگیر کراون.

 

زانیاریی بەدەستهاتوو: کۆمپانیایەکە پارەی بەناوی ڤیزە لە هاونیشتمانییان وەرگرتووە و ڤیزەشی پێنەداون، کە بڕەکەی دەگاتە سێ ملیۆن دۆلار. ئێستا کۆمپانیاکە وەڵامی تەلەفۆنەکانیان ناداتەوە و شوێنەکەش داخراوە.

 

بۆچوونی لایەنی بەرامبەر: لەبارەی خواردنی پارەی ئەو هاونیشتمانییانە کۆمپانیاکە دەڵێت، دوو کارمەند بێ ئاگاداری خاوەنی کۆمپانیاکە پارەکەیان بردووە.

 

زانیاریی پەیامنێر: ژیوار عەبدولرەحمان پەیامنێری ئاڤا میدیا دوو لەو کەسانەی دوواندووە کە پارەیان لەلایەن کۆمپانیاکەوە لێ وەرگیراوە، کازم محمد، هاونیشتمانییەکە و  زیاتر لە 70هەزار دۆلاری  داوە و نە ڤیزە دیارە نە پارەکەی.

 

ئەوەی لەبارەیەوە دەگوترێت: پارێزەری کۆمپانیاکەش لەسەر هەمان دۆسییە دەڵێت: چەند کەسێک لە کۆمپانیاکە بەبێ ئەوەی ڕێگەپێدراوبن کاری گرێبەستیان کردووە و لەسەر ئەمە دەستگیرکراون.