ئەمڕۆ بڕیار لەبارەی تەمویلی مووچەی مانگی یەک دەدرێت

ئاڤا نیوز

 

بڕیارە ئەمڕۆ دەست بە تەمویلکردنی مووچەی مانگی یەکی فەرمانبەرانی هەرێمی کوردستان بکرێت، وەزارەتی دارایی عێراق سەرەتا پارەکە دەخاتە سەر ئەژماری هەرێمی کوردستان لە لقی هەولێری بانکی ناوەندی و دواتر پارەکە بۆ مووچەی مووچەخۆرانی هەرێمی کوردستان خەرجدەکرێت.

 

وێنە گەورەکە: ماوەی پێنج ڕۆژە شاندێکی باڵای حکومەتی هەرێمی کوردستان بۆ یەکلاییکردنەوەی مووچەی مانگی یەک و پرسی بودجە لە بەغدان، لەگەڵ هاوتاکانیان زنجیرەیەک کۆبوونەوەیان کردووە، ئەمڕۆش کۆبووەنەوەکان بەردەوام دەبێت تاوەکو لەسەر ئەم بابەتانە و داواکارییەکانی بەغدا بگەنە ئەنجامی کۆتایی.

 

زانیاریی تایبەت: سەرچاوەیەکی باڵا لە وەزارەتی دارایی و ئابووری هەرێمی کوردستان بە ئاڤای گوت، "ئەمڕۆ دووشەممە وەزارەتی دارایی عێراق دەست بە تەمویلکردنی مووچەی مانگی یەک دەکات، دوای گەیشتنی پارەکە و بڕیاری خەرجکردنی بۆ هەرێمی کوردستان ڕاستەوخۆ لیستی دابەشکردنی مووچە ڕادەگەیێینرێت."

 

ئەمەش بزانە: بڕیارە 950 ملیار دینار بۆ مووچەی مانگی یەکی مووچەخۆرانی هەرێمی کوردستان لەلایەن بەغداوە خەرجبکرێت، بڕیارە پارەکەش بە دوو گوژمە بۆ هەرێمی کوردستان بنێردرێت.