تورکیا 50 فڕۆکەی F16 لە سووریا جێگیر دەکات

ئاڤا نیوز

 

تورکیا بۆ بەهێزکردنی ژێرخانی سەربازی خۆی لە ناوچەکە، دەیەوێت دوو بنکەی سەربازی لە خاکی سووریادا بکاتەوە و ژمارەیەک فرۆکەی شەڕکەریش لە بنکەکان جێگیربکات.

 

زانیاری بەدەستهاتوو: بەپێی هەواڵی میدیاکانی تورکیا، حکومەتی ئەو وڵاتە بۆ بەهێزکردنی لایەنی سەربازی وڵاتەکەی دوو بنکەی سەربازی و 50  فڕۆکەی جەنگی ئێف 16 لە سووریا جێگیر دەکات.

 

پێدراوە ڕاستەکان: تورکیا و سووریا کار لەسەر واژۆکردنی ڕێککەوتنێکی هاوبەشی بەرگری دەکەن، بەپێی ڕێککەوتنەکە ئەنقەرە هاوکاری سەربازی دیمەشق دەکات بۆ ڕووبەڕووبوونەوەی هێرش و هەڕەشەی لەناکاو، هەروەها هێزەکانی تورکیا مەشق و ڕاهێنان بە سوپای سووریا و فڕۆکەوانەکانی دەکەن.

 

ئەمەش بزانە: ئیدارەی نوێی سووریا داوای فڕۆکەی بێفڕۆکەوان و ڕادار و سیستەمی جەنگی ئەلیکترۆنی لە تورکیا کردووە بۆ کۆنترۆڵکردنی سنوورەکانی لەگەڵ ئیسرائیل.

 

لەلایەکی دیکەوە: ئیسرائیل بە نیازە بنکەی سەربازی لە نزیک بەرزاییەکانی جۆلان لە سنووری سووریا جێگر بکات.