داوا لە بایدن دەكرێت پشكنین ئەنجامبدات

ئاڤا نیوز

یەکێک لە پزیشکە میدیاکارە بەناوبانگەکانی ئەمریکا، داوا لە جۆ بایدن سەرۆکی ئەمریکا دەکات پشکنین ئەنجامبدات و ئەو گومانانە بڕەوێنێتەوە کە شەقامی ئەمریکای تەنیوە، لەباری سەرۆکی وڵاتەوە.

وێنە گەورەکە: چەندین جار پرسی خراپی باری تەندروستی جۆ بایدن، لە ئەمریکا و میدیا جیهانییەکانەوە هاتووەتە بەر باس، ئەمجارە یەکێک لە پزیشکە بەناوبانگەکانی ئەمریکا داوا لە بایدن دەکات پشکنین بۆ خۆی بکات و گومانەکان نەهێڵێت.

لێدوانی فەڕمی: دکتۆر فیڵ، پزیشک و میدیاکاری بەناوبانگی ئەمریکا ڕایگەیاند: ئەو کەسانەی هیچیان نییە بۆ شاردنەوە هیچ ناشارنەوە، بۆیە بەبێ دوو دڵی پیاوە 81 ساڵەکە، نیگەران مەبە و بچۆرە بەردەم پزیشک.

بۆچی گرنگە: دکتۆر فیڵ، نووسەر و دەرونناس و رۆژنامەنوسی ئەمریکییە، لە یەکێک لە بەرنامە تەلەفیزیۆنییەکاندا ئامۆژگاری بایدنی کرد ئەو کارە بکات.

باکگراوند: جۆ بایدن ئێستا  81 ەمین ساڵی تەمەنی تێدەپەڕێنێت، گومان لە خراپی تەندرووستی هەیە، چەندین جار لە پەخشی راستەوخۆدا هەڵەی” گەورە و کوشندە”ی کردووە، ئەوەش بووەتە هۆی باس و خواس لە ئەمریکا و دۆناڵد ترەمپ سەرۆکی پێشووی ئەمریکاش پێی دەڵێت "جۆی خەواڵوو" بچۆرەوە بۆ ماڵەوە.