لە هەولێر پارێزه‌رێك لەلایەن ژمارەیەک پاسەوانی دادوەرێک لێی دەدرێت

ئاڤا نیوز

پارێزه‌رێك له‌ سنووری پارێزگای هه‌ولێر به‌هۆكارێكی نه‌زاندراو لە دادگای کەسنەزان له‌لایه‌ن ژماره‌یەك پاسه‌وانی دادوه‌رێك لێیدەدرێت و ئه‌شكه‌نجه‌ ده‌درێت.

چیرۆکی سەرەکی: ئه‌مڕۆ سێشه‌ممه 4-2-2025‌، پارێزه‌رێك به‌ناوی سیهاد عه‌بدولكه‌ریم، له‌كاتی سه‌ردانیكردنی بۆ دادگای ناحیه‌ی كه‌سنه‌زان له‌ سنووری پارێزگای هه‌ولێر به‌مه‌به‌ستی كاركردن و به‌رگریكردن له‌ كه‌یسێك،  له‌لایه‌ن پاسه‌وانه‌كانی دادوه‌رێك هێرشی ده‌كرێته‌ سه‌ر و به‌توندی ئه‌شكه‌نجه‌ ده‌درێت و خه‌ڵتانی خوێن ده‌كرێت.

وێنە گەورەکە: پارێزه‌رەکە ناوی سیهاد عه‌بدولكه‌ریمە، له‌كاتی سه‌ردانیكردنی بۆ دادگای ناحیه‌ی كه‌سنه‌زان له‌ هه‌ولێر به‌مه‌به‌ستی كاركردن و به‌رگریكردن له‌ كه‌یسێكی كاری پارێزه‌ری خۆی،  له‌لایه‌ن پاسه‌وانه‌كانی دادوه‌رێك هێرشی ده‌كرێته‌ سه‌ر و به‌تووندی ئه‌شكه‌نجه‌ ده‌درێت و خه‌ڵتانی خوێن ده‌كرێت.

لێدوانە فەرمییەکان:

عه‌بدولكه‌ریم عه‌بدوڵڵا، باوكی سیهاد بە ئاڤای ڕاگەیاند:

- کوڕەکەم لەلایەن چەند پاسەوانێکی دادوەرێکەوە لە دادگای کەسنەزان هێرشی کراوەتە سەر و لێیدراوە خوێن کراوە، هەروەها دوو ددانیشی شکێندراوە، دواتر بێ هیچ قسه‌یه‌ك له‌لایه‌ن پۆلیسه‌وه‌ ده‌ستگیركرا و گواسترایه‌وه‌ بۆ بنكه‌ی پۆلیس.

-  دادگا لەبەرامبەر ئازادکردنی بە کەفالەت داوای 10 ملیۆن دینار دەکات، بەڵام ئێمە ئەو پارەیەمان نەدا.

- ئێمه‌ سكاڵای یاساییمان له‌ سه‌ندیكای پارێزه‌رانی كوردستان لقی هه‌ولێر تۆماركردووه‌، داوای یه‌كلایی كردنه‌وه‌ی چاره‌نووسی كوڕه‌كه‌مان ده‌كه‌ین.

بەختیار حەیدەر، سەرۆکی سەندیکای پارێزەرانی کوردستان بە ئاڤا میدیای ڕاگەیاند:

- بەهۆی هەڵەتێگەیشتنەوە کێشەکە ڕوویداوە، ئێمەش سکالامان تۆمارکردووە و چاوەڕێی بڕیاری دادگاین.

- لێکۆلینەوە لە کەیسەکە بەردوامە، هەر شتێک هەبێت دەبێت بە یاسایی یەکلایی بکرێتەوە نەک بە ئەشکەنجە و لێدان، ئەمە قبوڵنەکراوە.

- لەسەر هێلین لەگەڵ دادگای پێداچوونەوە و لایەنی پۆلیس تاوەکو ڕاستی و دروستی کارەکە یەکلایی بکەینەوە، هەرکەسێک تاوانبار بێت دەبێت سزای خۆی وەربگرێت.


لەلایەکی دیکەوە: پارێزەرێک بە ئاڤا میدیای ڕاگەیاند: ئەگەر ئەم کەیسە یەکلای نەبێتەوە و مافی ئەو پارێزەرە وەرنەگیرێتەوە، ڕێوشوێنی توند دەگرینەبەر و مانگرتنی سەرتاسەری ڕادەگەیێنین.