سبەی دەست بە دابەشکردنی مووچەی مانگی یەک دەکرێت

ئاڤا نیوز

 

ئەمشەو وەزارەتی دارایی هەرێمی کوردستان، لیستی مووچەی مانگی یەکی بڵاوکردەوە و بەپێی خشتەکە، سبەی دەست بە دابەشکردنی دەکرێت و لەماوەی چوار ڕۆژدا مووچەی سەرجەم وەزارەت و دەستەکان دابەش دەکرێت.

 

وێنە گەورەکە:  ئەمڕۆ سێشەممە وەزارەتی دارایی هەرێمی کوردستان ڕایگەیاند، بەغدا بڕی 958 ملیار و 12 ملیۆن و 332 هەزار و 759 دیناری وەک شایستەی مووچەی مانگی یەکی 2025ـی فەرمانبەران و مووچەخۆرانی هەرێمی کوردستان، خستووەتەسەر هەژماری وەزارەت لە لقی هەولێری بانکی ناوەندیی عێراق.

 

ڕاگەیێنراوی فەرمی: بەگوێرەی وەزارەتی دارایی و ئابووری هەرێمی کوردستان سبەی بەگوێرەی خشتەی لیستی مووچە: خانەنشینانی شارستانی، خاوەن پێداویستی تایبەت و زیندانە سیاسییەکان مووچە وەردەگرن و لە ماوەی چوار ڕۆژدا مووچەی سەرجەم دەستە و وەزارەتەکان دابەش دەکرێت.

 

باکگراوند: دوێنێ دووشەممە، دوای پێنج ڕۆژ مانەوە لە بەغدا و چەندین دانیشتن لەنێوانیان، سەرەنجام وەزیری دارایی و ئابووری هەرێمی کوردستان چارەسەرکردنی کێشەی مووچەی فەرمانبەرانی بۆ ساڵی 2025 ڕاگەیاند.