بەڕێوەبەری خانەشینی کوردستان: لێبڕینی 100 هەزارەکە کاتییە

ئاڤا نیوز

 

لە مووچەی مانگی یەكی ئەمساڵ بڕی 100 هەزار دینار لە خانەنشینانی سەرتاسەری عێراق بە خانەنشنیانی هەرێمی كوردستانیشەوە بڕا، بەڕێوەبەری گشتیی خانەنشینیی هەرێمی كوردستانیش دەڵێت، بڕینەكە كاتییە و دەستپێدەكاتەوە.

 

وێنە گەورەكە: بە بڕیاری سەرۆكوەزیرانی عێراق، مانگانە هەر فەرمانبەرێكی خانەنشین 100 هەزار دیناری وەك مینحە پێدەدرێت، لە ساڵی ڕابردووەوە ئەم بڕیارە فەرمانبەرانی هەرێمی كوردستانیش دەگرێتەوە، بەڵام بۆ مانگی یەكی ئەمساڵ بەهۆی نوێنەكردنەوەی بڕیارەكەوە ئەو بڕە پارەیە وەستاوە.

 

لێدوانی فەرمی: مریەم عوسمان، بەڕێوەبەری خانەنشینیی هەرێمی كوردستان لەگەشتی هەواڵەکانی کاتژمێر حەوتی ئاڤا میدیا ڕایگەیاند: 
- بڕیاری پێدانی 100 هەزار دینار وەك هاوكاریی مانگانە بە خانەنشینانی عێراق و هەرێمی كوردستان مینحەیە و پێشووتر لەلایەن سەرۆكوەزیرانی عێراقەوە دراوە و پێویستە ساڵانە نوێ بكرێتەوە، خانەنشینیی عێراق بڕیارەكەی نوێ كردووەتەوە و ئێمەش لای خۆمانەوە نووسراو بۆ وەزارەتی دارایی دەكەین بۆ نوێكردنەوەی، دوای ڕەزامەندی، لە 1ی1ی ئەمساڵەوە بڕە پارەكەیان بۆ هەژمار دەكرێت.

- پێویستە وەزارەتی دارایی و سەرۆكوەزیرانی عێراق بۆ ئەمساڵیش ڕەزامەندی لەسەر خەرجكردنی ئەو 100 هەزارە بدەن و لەمبارەیەوە دڵنیایی دراوەتەوە ئێمە.

 

ئەوەی پێوسیتە بیزانیت: بەڕێەبەری خانەنشینیی هەرێمی کوردستان، دڵنیایی دەداتە سەرەجەم خانەنشینان و دەڵێت، "ئەو 100 هەزار دینارە دەگەڕێتەوە و ئەمساڵیش پێیان دەدرێت، دڵنیاییان پێدەدەم كە بڕینەكە كاتییە".