15 کامێرای دیکەی تۆمارکردنی سەرپێچی لە هەولێر دەکەونە کار

ئاڤا نیوز

 

بڕیارە ئەمڕۆ هەینی ژمارەیەکی دیکەی کامێرای چاودێریکردنی سەرپێچی و  تیژڕەویی شۆفێران لەناو شاری هەولێر بکەونە کار و دەستبکەن بە تۆمارکردنی سەرپێچییەکان.

 

چیرۆکی سەرەکی: بەڕێوەبەرایەتیی هاتووچۆی هەولێر لە ڕێکەوتی 28- 1- 2025 ئاگادارییەکی بۆ شوفێران بڵاوکردەوە، کە تێیدا هاتبوو 15 کامێرای تۆمارکردنی تیژڕەوی لە چواڕیانەکان دەکەونە کار و بۆ ماوەی 10 ڕۆژ وەک تاقیکردنەوە و بەشێوەی ئەزموونی کاردەکەن، دوای تەواوبوونی ئەو وادەیە  ئەمڕۆ  بە فەرمی کەوتنە کار و سەرپێچییەکان تۆمار دەکەن.

 

ڕاگەیێنراوی فەرمی: بەڕێوەبەرایەتیی هاتووچۆی هەولێر ڕایگەیاند: ئەمڕۆ هەینی 15 كامێرای چاودێریی تیژڕەوی دەکەونە کار، كە ماوەی 10 ڕۆژ بوو بەشێوەی ئەزموونی کاریان دەکرد. 

 

زانیاریی زیاتر: کامێراکان ئەم سەر پێچیانە تۆمار دەکەن:

 

• - نەوەستان لە گلۆپی سووری ترافیک لایت .
  - لێخورین بە خێرایی زیاتر لەو خێراییەی کە ڕێگەی پێدراوە بۆ تێپەڕین لە ترافیک لایت لەو کاتەی گلۆپی ترافیک لایت سەوزە.
  - زیاتر هاتنە پێش و تێپەراندنی هێڵی پەڕینەوەی پیادە لەو کاتەی کە گڵوپی ترافیک لایت سوورە . 
  - ئەو ئۆتۆمبێلانەی لە ڕێڕەوی کراوەی سوڕانەوەی دەستەڕاستی ترافیک لایتەکان دەوەستن.
•