ئاگادارییەک لە ڕەگەزنامە و باری شارستانی سلێمانییەوە بۆ هاووڵاتییان

ئاڤا نیوز

بەڕێوەبەرایەتیی ڕەگەزنامە و باری شارستانیی سلێمانی، لەبارەی پارەدان بە شێوەی کاش لە فەرمانگەکانی کارتی نیشتمانی، ئاگاداری هاووڵاتیان دەکاتەوە.

ڕاگەیێنراوی فەرمی: بەڕێوەبەرایەتی ڕەگەزنامە و باری شارستانی سلێمانی ڕایدەگەیێنێت: لە ڕۆژی یەکشەممە 2025-02-16ـەوە لە تەواوی فەرمانگەكانی كارتی نیشتیمانی لە سنووری پارێزگاکانی سلێمانی و هەڵەبجە، کار بە سیستمی پارەدانی کاش ناکرێت لە ڕاییکردنی مامەڵەکاندا.

زانیاریی زیاتر: بەڕێوبەرایەتییەکە جەخت دەکاتەوە لەوەی، دەبێت هاووڵاتیان لەکاتی سەردانیکردنیان بۆ فەرمانگەکان و ڕاییکردنی مامەڵەکانیان، سیستمی پارەدانی ئەلیکترۆنی (کارتی بانکی) بەکاربهێنن، بە پێچەوانەوە هیچ مامەڵەیەکیان بۆ ڕایی ناكرێت.

باکگراوند: ڕۆژی سێشەممە 2024-02-27، بانکی ناوەندی عێراق لە نووسراوێکدا بڕیاریدا بە گۆڕینی پارەدانی کاش بۆ پارەدانی ئەلیکترۆنی لە سەرجەم بەڕێوەبەرایەتی و دامودەزگاکاندا.