میدیاکانی ئێران: ڕەنگە کۆنەپارێزەکان پەرلەمان بگرنەدەست

ئاڤا نیوز

 

میدیا ناوخۆییەکانی ئێران لەبارەی هەڵبژاردنی وڵاتەکەوە دەڵێن، ڕەنگە ئەمجارە کۆنەپارێزەکان زۆرینەی کورسییەکانی پەرلەمان بەدەستبهێنن.

 

چیرۆکی سەرەکی: ئەم هەینییە هەڵبژاردنی ئەنجوومەنی شوورای ئیسلامییئێران بەڕێوەچوو؛ هەرچەند پڕۆسەی پشکنینی پێشوەختە ڕێگەی لە زۆر بەربژێری دڵخوازی خەڵک گرت.

 

وێنە گەورەكە: لەگەڵ ئەوەی كۆماری ئیسلامیی ئێران سێ جار كاتی دەنگدانی درێژكردەوە، بەڵام ڕێژەی  بەشداریكردن زۆر كەمتر بوو لەوەی كە چاوەڕێ دەكرا، ڕێژەی  بەشدارینەكردن لە رۆژهەڵاتی كوردستان 75% بۆ 80% بووە و لە هەندێک شاریش  تەنیا 500 كەس چوون بۆ دەنگدان.

 

لێدوانی فەرمی: ئاژانسی هەواڵی ئێران ڕایگەیاند کە لە کۆی 61 ملیۆن کەس، کە مافی دەنگدانیان هەبووە، ڕێژەی بەشداریکردن بە نزیکی 41٪ بووە. 

 

ڕۆژنامەی شەرق پێشبینیی کردووە پەرلەمانی داهاتوو بکەوێتە دەستی کۆنەپارێزە تووندڕەوەکانەوە، کە کەمیی بەشداریکردنی هاووڵاتییانیان لە هەڵبژاردنەکەدا قۆستووەتەوە.

 

ڕۆژنامەی ئیعتیماد ڕایگەیاندووە، ڕێژەی بەشداریکردن لە شارە گەورەکاندا کەمتر بووە بە بەراورد لەگەڵ شارە بچووکەکاندا.