پارتێکی ئەڵمانیا بە زمانی کوردی کارنامەی هەڵبژاردن بڵاو دەکاتەوە

ئاڤا نیوز

 

پارتێکی ئەڵمانیا لە بانگەشەی هەڵبژاردندا کارنامەکەی بە زمانی کوردی بڵاو دەکاتەوە و جەخت دەکاتەوە لەوەی "دەکرێت هەموو شتێک بگۆڕدرێت".

 

چیرۆکی سەرەکی: ڕۆژی یەکشەممە 23-2-2025، هەڵبژاردنی پێشوەختە لە ئەڵمانیا دەکرێت و کرستیان لیندنەر، سەرۆکی پارتی دیموکراتی ئازاد (FDP) لە وڵاتەکە، بە زمانی کوردی بەرنامەی هەڵبژاردنی پارتەکە بڵاو دەکاتەوە.

 

پەیامی فەرمی: کرستیان لیندنەر، سەرۆکی پارتی دیموکراتی ئازاد بە شەش ڵاپەڕە، پەیامی خۆی دەگەیێنێتە دەنگدەرانی کورد لە ئەڵمانیا، تیشک دەخاتە سەر بەرنامەی کاری پارتەکەیان و داوایان لێدەکات دەنگیان پێ بدەن.

بابەتە سراتیژییەکان: دیارترین خاڵەکانی کارنامەکە ئەمانەن: 

- سنوور بۆ کۆچبەرانی نایاسایی دادەنێین.
- بۆ کەمکردنەوەی فشار لەسەر هاووڵاتیان، داوای کەمکردنەوەی باج دەکەین.
- تەنیا ئابوورییەکی باش، کاری باش بوونیاد دەنێت.
-پشتگیری لە دەوڵەتێکی دەستووریی ئازاد دەکەین.
-دەمانەوێت لە سەرانسەری ئەڵمانیا پەروەردەیەکی یەکسان بوونیاد بنێین.

 

زانیاریی زیاتر: بۆ هەڵبژاردنی پەرلەمانی ئەڵمانیا، زیاتر لە 59 ملیۆن و 200 هەزار هاووڵاتی مافی دەنگدانیان هەیە، دەیان کاندیدی پارت و لایەنەکان لە سەرانسەری وڵاتەکە کێبڕکێ لەسەر بەدەستهێنانی کورسییەکانی پەرلەمان دەکەن.