بەهۆی بەکارهێنانی شوێنەوارێکەوە سکاڵا لەسەر کۆمپانیای لگزس تۆمار دەکرێت

ئاڤا نیوز

 

کۆمپانیای لێکزسی ژاپۆنی "بەربەستی شوێنەوارێک دەبەزێنێت" و ئەم کارەش کاردانەوەی بەڕێوبەرایەتیی شوێنەوار و کەلەپووری دهۆکی لێ دەکەوێتەوە.

 

چیرۆکی سەرەکی: کۆمپانیای لێکزس بۆ نمایشکردنی مۆدێلێکی ئۆتۆمبێلەکانی، شوێنەواری "جەروانە" لە سنووی قەزای شێخان بەکار دەهێنێت، بەمەش بەڕێوەبەرایەتیی شوێنەوار و کەلەپووری دهۆک، لە داواکاری گشتیی دهۆک و دادگەی شێخان، سکاڵای یاسایی لەسەر کۆمپانیاکە تۆمار کرد.

 

لێدوانی فەرمی: د. بێکەس بریفکانی، بەڕێوەبەری شوێنەوار و کەلەپووری پارێزگای دهۆک بە ئاڤا میدیای ڕاگەیاند: پێویستە ئەو کەسانە سزا بدرێن کە کارەکەیان کردووە، چونکە دروستکردنی ڕێکلام لە نزیک شوێنەوارەکان، پێویستی بە ڕەزامەندی و ڕێککاری تایبەت هەیە.

 

بۆچوونی لایەنی بەرامبەر: ئامانج ئەمجەد، بەڕێوەبەری گشتیی یاسایی تۆیۆتا لە عێراق بە ئاڤا میدیای ڕاگەیاند: ئامانجیان ناساندنی شوینە گەشتیارییەکانە، ئەو ڕێکلامەی کردوومانە هیچ زیدەڕۆییەکی بۆ سەر شوێنەوارەکە تێدا نەبووە، ئۆتۆمبێلەکەمان لە شوێنێکی وا وەستاندووە، کە پێشتر خەڵکی سەردانی کردووە و بەکاریان هێناوە. ئێمە لە تۆیۆتا عێراق ڕێز لە میراتی وڵاتەکەمان عێراق دەگرین و زۆر کار دەکەین بۆ پاراستنی مێژووە پڕ شکۆمەندیەکەی، لە سەرانسەری هەموو وڵات.

لە چوارچێوەی ئەو  مشتومڕە  بەرفراوانەی کە سۆشیاڵ میدیای تەنیوە، دەمانەوێت ئەوە ڕوونبکەینەوە کە ئێمە لە تۆیۆتا عێراق ڕێز لە هەموو ئەو بۆچوونانە دەگرین کە بڵاوکراونەتەوە، لەم چوارچێوەیەشدا ئەو وێنانە لە پەیجە فەرمییەکانی سۆشیال میدیای لگزس عێراق سڕانەوە.

 

ئەوەی پیویستە بیزانیت: ئەو شوێنەوارە ناوی "جەروانە"یە، دەکەویتە سنووری قەزای شێخان، یەکێکە لە شوینەوارە گرنگەکانی سنووری پارێزگای دهۆک و تەمەنی نزیکەی دوو هەزار و 700 ساڵ دەبێت.