سەبەتەی خۆراک بۆ مانگی ڕەمەزان دابەش دەکرێت

ئاڤا نیوز

 

وەزارەتی بازرگانی عێراق ڕایگەیاند، لە 20ی ئەم مانگەوە دابەشکردنی سەبەتەی خۆراک بۆ مانگی ڕەمەزان دەستپێدەکات و بەسەر هاووڵاتییان دابەشدەکرێت، واتە 10 ڕۆژ پێش دەستپێکردنی مانگی ڕەمەزان.

 

چیرۆکی سەرەکی: حکومەتی عێراق ساڵانە و بەتایبەت لە مانگی ڕەمەزاندا، سەبەتەیەکی تایبەتی خۆراک بەسەر هاووڵاتییان دابەش دەکات، ئەوەش وەک پاڵپشتییەک بۆ هاووڵاتییان بۆ پێشوازیکردنیان لە ڕەمەزان ناودەبات.

 

زانیاریی زیاتر: بەگوێرەی ڕاگەیێنراوی وەزارەتی بازرگانی عێراق، سەبەتەی خۆراک بۆ مانگی ڕەمەزان لەپاڵ ماددە بنەڕەتییەکان (ئارد،شەکر، برنج، ڕۆنی شل و دۆشاوی تەماتە)، پێنج جۆری دیکەی پاقلەمەنیش لەخۆ دەگرێت کە ئەوانیش بریتین لە ماش، فاسۆلیا، نۆک بەهەردوو جۆری لەتکە نۆک و نۆکی ئاسایی.