پێکهاتەکانی کوردستان بڕیاری دادگەی فیدراڵی لەبارەی کەمکردنەوەی کورسیی کۆتاکان ڕەتدەکەنەوە

ئاڤا نیوز

 

 پێکهاتەکانی کوردستان لەبەردەم کەنیسەی ماریوسف لە قەزای عەنکاوە لە پارێزگای هەولێر دژی بڕیاری دادگەی فیدراڵیی عێراق گردبووەنەوە و بڕیارەکەی دادگە بۆ هەڵوەشاندنەوەی کورسیی کۆتای پێکهاتەکان لە پەرلەمانی کوردستان ڕەتدەکەنەوە. 

وێنە گەورەکە: ڕۆژی 21-02-2024، دادگەی فیدراڵی ژمارەی کورسییەکانی پەرلەمانی کوردستان لە 111 کورسی بۆ 100 کورسی کەم کردەوە کورسیی پێکهاتەکانی هەڵوەشاندەوە، ئێستا وادەی بەڕێوەچوونی هەڵبژاردن دیاریکراوە، مەترسی هەیە بەشێکی پێکهاتە و نەتەوەکان هیچ نوێنەرێکیان لە پەرلەمانی کوردستان نەبێت.

 

لێدوانی فەرمی: مونا قەهوەچی، جێگری سەرۆکی پارتی چاکسازیی تورکمانی لە کۆنگرەیەکی ڕۆژنامەوانیدا ئەمانەی گوت: 

• چیدیکە ئەم نادادییە قبووڵ ناکەین. 
• هەڵوەشاندنەوەی کورسیی کۆتا لە بەرژەوەندی هیچ لایەنێک نییە
• داوا دەکەین سەرۆککۆماری عێراق، بڕیاری دادگەی فیدراڵی هەڵبوەشێنێتەوە
• لەلایەن یەكێتیی نیشتمانیی کوردستان سووکایەتی بە پێکهاتەکان دەکرێت

 

ئەوەی پێویستە بیزانیت: لە خولەکانی پێشووی پەرلەمانی کوردستان، کورسیی کۆتاکان بەمشێوەیە بەسەر پێکهاتەکان دابەشبوون:-

پێکهاتەی تورکمان: 5 کورسی 
کلدان و ئاشووری:  5 کورسی 
ئەرمەن: یەک کورسی

مونا قەهوەچی: ترسی گەورەترمان لە دادگای فیدراڵی هەیە

 

محەممەد ئیلخانی، سەرۆکی پارتی گەشەپیدانی تورکمان: بەردەوام دەبین لە فشارەکانمان