وەزارەتی دارایی عێراق لەبارەی هاوتاکردنی مووچەی خانەنشینان: ڕێکارەکان تەواو دەکرێن

ئاڤا نیوز

وەزارەتی دارایی عێراق لەبارەی هاوتاکردنی مووچەی خانەنشینانی کوردستان ڕایدەگەیێنێت، ڕێکارەکان تەواو دەکرێن و دواتر ڕاسپاردەکانی کۆتایی ئامادە دەکرێن بۆ پەسەند کردن.

 

وێنە گەورەکە: دوای گفتوگۆیەکی زۆر و چەندین کۆبوونەوە، ڕۆژی 10-2-2025 هەردوو وەزارەتی دارایی کوردستان و عێراق لەبارەی هاوتاکردنی مووچەی خانەنشینان ڕێککەوتن بەپێی یاسای خانەنشینی یەکگرتوویی ساڵی 2014. ڕێککەوتنەکە خانەنشینانی مەدەنی دەگرێتەوە کە ژمارەیان زیاتر لە 175 هەزار مووچەخۆرە و مووچەی زۆربەیان زیاد دەکات.

ڕاگەیێنراوی فەرمی: وەزارەتی دارایی عێراق لەبارەی ناوەڕۆکی کۆبوونەوەکە ڕایگەیاند، دیوان و ئەمینداریەتیی گشتیی ئەنجوومەنی وەزیرانی عێراق، دیوانی چاودێری دارایی عێراق و لایەنە پەیوەندیدارەکان بەشدار بوون، هاوکات تیمی وەزارەتی دارایی کوردستان بەسەرۆکایەتیی مریەم عوسمان، بەڕێوەبەری گشتیی خانەنشینی بەشدار بوون.

خاڵی ئەرێنی: وەزارەتی دارایی عێراق لە ڕاگەیێنراوەکەدا پشتڕاستی دەکاتەوە مووچەی سەرجەم خانەنشینان هاوتا دەکرێت و  ڕایگەیاند، ڕێککارەکان تەواو دەکرێن و دواتر ڕاسپاردەکانی کۆتایی ئامادە دەکرێن بۆ دەنگدان  و پەسەند کردن.