ئەم مانگە بەغدا تەواوی مووچەی سەرجەم خانەشینانی مەدەنی دەنێرێت

ئاڤا نیوز

 

هەردوو تیمی هەرێمی کوردستان و بەغدا لەبارەی هاوتاکردنی مووچەی خانەنشینانی مەدەنی ڕێککەوتوون کە ژمارەیان زیاتر لە 175 هەزار  خانەنشین دەبێت، لە مووچەی مانگی دووەوە تەواوی مووچەیان لەلایەن وەزارەتی دارایی عێراقەوە دەنێردرێت.

 

وێنە گەورەکە: ئەم هەفتەیە دوو تیم چوونە بەغدا، یەکێکیان تیمی بەڕێوەبەرایەتیی خانەنشینی بوو بە سەرۆکایەتیی مریەم عوسمان، بەڕێوەبەری گشتیی خانەنیشنانی کوردستان، ئەو تیمەیان گەڕاوەتەوە هەولێر، ئامانجی تیمەکە هاوتاکردنی مووچەی خانەنشینانی مەدەنی هەرێمی کوردستان بوو  لەگەڵ عێراق.

 

زانیاریی تایبەت:  ئاڤا زانیوتەی لە کۆبوونەوەکەی دوێنیان تیمی کوردستان لەبارەی هاوتاکردنی مووچەی خانەنشینانی مەدەنی لەگەڵ حکومەتی عێراق ڕێککەوتن.کە ژمارەیان زیاتر لە 175 هەزار کەسە.

 

ئەوەی پێویستە بیزانیت: لە تەمموزی ساڵی ڕابردوو حکومەتی کوردستان لەسەر داهاتی ناوخۆ مووچەی خانەنشینانی مەدەنی لەگەڵ عێراق هاوتا کردبوو.

 

ڕێککەوتنەکە بەم شێوەیە: بەگوێرەی ڕێککەوتنەکەی هەرێمی کوردستان و عێراق لە مانگی دووشەوە ئیتر ئەو زیادەیەی چووەتە سەر مووچەیان، لەلایەن وەزارەتی دارایی عێراقەوە خەرج دەکرێت، واتا لەمەودوا مووچەی سەرجەم خانەنشینانی مەدەنی کوردستان لە بەغدا تەواوی مووچەیان بۆ دێت.