هەرێمی کوردستان پەیوەندییەکانی لەگەڵ ئیمارات پێش دەخات

ئاڤا نیوز

سەرۆکوەزیران مەسرور بارزانی، لە چوارچێوەی بەشداریکردنی لە لووتکەی جیهانیی حکومەتەکان لە دوبەی، لەگەڵ شێخ محەمەد بن زاید ئال نهیان، سەرۆکی میرنشینی عەرەبیی یەکگرتوو (ئیمارات) کۆبووەوە.

وێنە گەورەکە: سەرۆکوەزیران لە پەراوێزی لووتکەکەدا، زنجیرەیەک دیدار و کۆبوونەوەی لەگەڵ ژمارەیەک لە سەرۆک و سەرکردە و بەرپرسانی باڵای جیهان کردووە، تاوتوێی دۆخی عێراق و ناوچەکە و بەهێزکردنی پەیوەندییەکانی نێوان هەرێمی کوردستان و وڵاتان کراوە.

ڕاگەیێنراوی فەرمی: سەرۆکوەزیران، مەسرور بارزانی،  لە تۆڕی کۆمەڵایەتیی ئێکس ڕایگەیاند، ئەمڕۆ چوارشەمە 2025-02-12، لە شاری دوبەی، لەگەڵ شێخ محەمەد بن زاید ئال نەهیان دوایین گۆڕانکارییەکان و دۆخی عێراق و ناوچەکەمان تاوتوێ کرد و هاوڕابووین لەسەر پێویستیی بەهێزکردنی هاوئاهەنگیی دوولایەنە و پێشخستنی پەیوەندیی دۆستانەی نێوان هەرێمی کوردستان و ئیمارات.

ئەوەی پێویستە بیزانیت: لەو دیدارانەدا، گفتوگۆ، لەبارەی پەرەپێدانی پەیوەندییەکانی هەرێمی کوردستان لەگەڵ وڵات و لایەنە بەشداربووەکانی لووتکەکە و فراوانکردنی ئاسۆی هاریکاریی هاوبەش، بە تایبەتی لە بوارەکانی ئابووری و وەبەرهێنان و بازرگانی و گەشەپێدان کراوە، ئەمە جیا لە تاوتوێکردنی دوایین گۆڕانکارییەکانی عێراق و ناوچەکە.